Библия на финно-угорских языках

•   
• Главная
• Библия
• Библейские рассказы
• Аудио
• Загрузки
• Контакты

Библия

Выбрать язык vienankarjalakšilivviksevepsän kelelмокшексэрзякскоми кыв вылынкоми-пермяцкöй кыв вылынмарлакырык марлаудмурт кылынмāньси лāтӈылханты ясаӈан

Книги Ветхого Завета про «Библия»содержаниеРуфьПсалтирьПритчиЕкклесиастПесня ПеснейИона

Книги Нового Завета Выбрать книгупро «Од Вейсэньлув»содержаниесловариОт МатфеяОт МаркаОт ЛукиОт ИоаннаДеянияИакова1-e Петра2-e Петра1-e Иоанна2-e Иоанна3-e ИоаннаИудаК Римлянам1-е Коринфянам2-е КоринфянамК ГалатамК ЕфесянамК ФилиппийцамК Колоссянам1-е Фессалоникийцам2-е Фессалоникийцам1-е Тимофею2-е ТимофеюК ТитуК ФилимонуК ЕвреямОткровение

Руфень книгась

Вооз саи Руфень сёлмонзо алов

1Вооз лиссь ошонь орта икелев*а, промксонь ютавтома таркас, ды озась тозонь. Те шкастонть ваксканзо ютыль се малавикс инеськесь, конадо сон кортась икеле. Вооз пшкадсь тензэ лемсэ: «Пурдак тей ды озак». Се пурдась ды озась.2Теде мейле Вооз тердсь кемень ломанть ошонь прявттнэнь ютксто ды мерсь тенст: «Ойседе тезэнь». Сынь ойсесть.3Сестэ сон мерсь те инеськентень: «Ноеминь, кона велявтсь Моавонь масторсто, микшни паксянть, кона икеле ульнесь сонзэ мирдензэ, минек инеськенть Елимелехень умакс.4Мон сынь мельс пачтямс тень тонь пилес ды кевкстемс тесэ аштицятнень ды раськень прявттнэнь пингстэ: арсят-арась се паксянть эстеть рамамодо? Ули мелеть рамамс – рамик, арась мелеть рамамс – ёвтак монень, ды мон карман содамо. Эдь рамицятне кавонек, тон сехте малавикс инеське, мон уш молян тонь мельга». Тона ёвтась: «Рамаса».

5Вооз мерсь: «Паро. Ансяк Ноеминень кедьстэ паксянть рамамсто тонеть сави рамамс сонзэ Руфень, Моавонь тейтерьаванть, кулозенть нинзэ кедьстэяк. Ды тонеть сави саемс сонзэ эстеть никс. Эдь тонеть сави кепедемс-ванстомс кулозенть лемензэ умасонзо».*б6Тень каршо инеськесь ёвтась: «Сестэ монень а топавтови малавикс инеськень те тевесь: тень эйстэ колави эсень умам. Кадык монь таркас тонеть максови рамамонь тевесь. Сон монень а топавтови».

7Израильсэ се шкастонть ульнесь истямо кой: рамамонь-миемань эли полавтомань тевенть кемекстамсто вейкесь каилизе карсемапелензэ ды максылизе лиянтень [кинень максовиль раськень-буень идицянь-ванстыцянь тевесь]. Израильсэ истямо ладсо невтевсь тевенть прядомась.8Ды се инеськесь мерсь Воознэнь: «Рамик сонзэ эстеть». Сон каизе карсемапелензэ [ды максызе Воознэнь].

9Теде мейле Вооз мерсь прявттнэнень ды весе пурнавозтненень: «Тынь течи тень неицят-кемекстыцят: мон рамаса эстень Ноеминень кедьстэ Елимелехень, Хилеононь ды Махлононь весе ули-парост.10Теде башка, Руфень, Моавонь тейтерьаванть, Махлононь нинзэ, сайса эстень никс. Истямо ладсо кулозенть ули-парозо ванстови буесэнзэ, сонзэ лемесь а ёми раськензэ ютксто ды ошонь эрицятнень ютксто. Тынь течи тень неицят-кемекстыцят».

11Ды ортатнень икеле весе ломантне ды прявттнэ мерсть: «Минь тень неицят-кемекстыцят. Кадык Инешкипазось тейсы тонь кудос совиця те тейтерьаванть Рахилень ды Леянь кондямокс, конат ушодызь-путызь Израилень раськень юронть. Ульть содавиксэкс Ефрафасо ды свал улезэ вере тонь леметь Вифлеемсэ!12Кадык Инешкипазось максы тонеть те од тейтерьаванть пельде ламо эйкакшт-нуцькат! Кадык тонь кудораськеськак тееви истямо покшокс-виевекс, кодамо Фаресэнь буесь – Фаресэнь, конань Иуданень чачтызе Фамарь!».

Давид инязоронь буенть юрозо

13Истя Вооз совавтызе эсензэ кудос Руфень, саизе никс. Сон удось вакссонзо, Инешкипазось макссь Руфьнень пекиямо, ды сон чачтась цёра.14Аватне Ноеминнень кортасть: «Улезэ шназь-чанстязь Инешкипазось! Сон ней тонь эзинзить кадо кисэть аштиця инеськевтеме. Кадык ули те цёрыненть лемезэ содавиксэкс Израильсэ!15Сон одкстомтсы тонь эрямот, ули тонеть нежекс сыречисэть. Сонзэ чачтызе тонь урьват, кона тонь вечктянзат ды кона теть сисем цёрадо седе вадря».16Ноеминь саизе те эйкакшонть, путызе элезэнзэ ды кармась улеме тензэ трицякс-ваныцякс.17Шабрань аватне путсть эйкакшонтень лем ды кортасть: «Ноеминень чачсь цёразо». Лем тензэ путсть Овид. Сон кармась улеме Иессеень, Давидэнь тетянзо, тетякс.*в

18Вана Фаресэнь буесь-раськесь: Фаресэнь пельде чачсь Есром,19Есромонь пельде чачсь Рам, Рамонь пельде чачсь Аминадав;20Аминадавонь пельде чачсь Наассон, Наассононь пельде чачсь Салмон.21Салмононь пельде чачсь Вооз, Воозонь пельде чачсь Овид.22Овидэнь пельде чачсь Иессей, ды Иессеень пельде чачсь Давид.

*а 4.1 Ошонь орта икеле пурнавильть ломанть, яволявтовильть ды кортавтовильть прявттнэнь арсематне-тевтне, эрсесть рамсемат-микшнемат.

*б 4.5 Израилень койтнень коряс, истямо инеськень пельде чачтозь васень цёрась лововиль кулозь мирденть цёракс. Кулозенть ули-парось ютыль сонензэ.

*в 4.17 Давид ульнесь Израилень сехте содавикс инязорокс.

 Глава 4