Библия на финно-угорских языках

•   
• Главная
• Библия
• Библейские рассказы
• Аудио
• Загрузки
• Контакты

Библия

Выбрать язык vienankarjalakšilivviksevepsän kelelмокшексэрзякскоми кыв вылынкоми-пермяцкöй кыв вылынмарлакырык марлаудмурт кылынмāньси лāтӈылханты ясаӈан

Книги Ветхого Завета про «Библия»содержаниеКнига РуфьПсалтирьПритчиЕкклесиастПесни ПеснейИона

Книги Нового Завета Выбрать книгупро «Од Вейсэньлув»содержаниесловариОт МатфеяОт МаркаОт ЛукиОт ИоаннаДеянияИакова1-e Петра2-e Петра1-e Иоанна2-e Иоанна3-e ИоаннаИудаК Римлянам1-е Коринфянам2-е КоринфянамК ГалатамК ЕфесянамК ФилиппийцамК Колоссянам1-е Фессалоникийцам2-е Фессалоникийцам1-е Тимофею2-е ТимофеюК ТитуК ФилимонуК ЕвреямОткровение

ПСАЛТИРЬ

ОЗНОМАМОРОТ

Глава 102

Седеймариця Азорось пештязь парочисэ

Давидэнь псалмась.

1Шнык Азоронть, монь оймем!
   Весе монь потмоёжом,
   шнык Сонзэ иневанькс лементь!
2Шнык Азоронть, монь оймем,
   ды илить стувтне весе Сонзэ паро тевензэ.

3Сон нолды весе тонь пежеттнень,
   шумбралгавты тонь весе орматнеде.
4Сон менсти тонь эрямонть калмодо,
   кази теть седеймарямо ды ламо паро.
5Сон пешти парочисэ тонь мелеть-бажамот –
   од куцькан*а ладсо тон свал улят виевекс.

6Азорось теи видечинь коряс,
   Сон суди видестэ весе покордазтнень.
7Сон невтинзе Моисейнень Эсензэ арсеманзо-кинзэ,
   израиленсетненень – Эсензэ тевензэ.
8Азорось парочисэ пештязь ды седеймариця,
   Сон кувать кирди ды сюпав покш вечкемасо.
9Аволь свал Сон кежиявтни
   ды аволь пингеде пингес ацирьгали.
10Аволь минек зыянов тевтнень коряс тейсь Сон миненек,
   ды аволь минек пежеттнень коряс макссь тенек.

11Кода сэрейстэ ашти менелесь моданть велькссэ,
   истямо ине [Азоронть] седеймарямозо
   Сондензэ пелицятнень туртов.
12Кода васоло чилисемась чивалгомадонть,
   истя васов айгинзе Сон минек эйстэ зыянов тевенек.
13Кода тетясь путы седеймарямо эйкакшонстэнь,
   истя Азороськак путы седеймарямо сетненень,
   кить пелить Сондензэ.
14Сон соды, мейстэ минь теезь,
   а стувтни: минь – модачельке.

15Ломаненть чинзэ теке тикшень: сон теке паксянь баляга*б,
   вельтявкшны цецясо нурькине шкас.
16Юты ланганзо варма – ды сон арась.
   Таркась, косо сон кассь, мезеяк уш сондензэ а соды.
17А вана Азоронть седеймарямозо Сондензэ пелицятненень
   кадови апак полавто пингеде пингес.
18Ды Сонзэ видечись кадови сынст эйкакшост-нуцькаст туртов,
   весе сетненень, конат ванстыть Сонзэ вейсэньлувонть,
   мельсэ кирдить Сонзэ кармавтовксонзо
   ды топавтыть сынст.

19Азорось путызе Эсензэ инеэземензэ менельс,
   ды Сон Инязор весементь лангсо.
20Шнынк Азоронть, [весе] кеметь ды виевть Сонзэ ангелэнзэ,
   конат топавтыть Сонзэ валонзо
   ды кунсолыть Сонзэ кармавтоманзо!
21Шнынк Азоронть, весе Сонзэ менелень ушмонзо,
   Сонзэ важодицянзо, конат топавтыть Сонзэ мелензэ!
22Шнынк Азоронть, весе Сонзэ теевкстнэ,
   Сонзэ инязорксчинь весе таркатнесэ!
   Шнык Азоронть, монь оймем!

*а 102:5 куцькан – орёл

*б 102:15 баляга – цветок

 Глава 102