Библия
Выбрать язык
Книги Ветхого Завета
Книги Нового Завета
с русским текстом
ПСАЛТИРЬ
ОЗНОМАМОРОТ
Глава 146
Шнамо Весеменькирдицянтень
Аллилуя!
1Шнадо Азоронть!
Кодамо паро морамс минек Пазонтень!
Те вельть вадря.
Миненек пек лади шнамс Сонзэ.
2Азорось кепеди одс Иерусалименть,
пурны вейс Израилень панезтнень.
3Сон шумбралгавты синдезь седейтнень
ды оймавты-пичкавты ризксэст.
4Сон соды, зяро тештетнеде,
ды эрьвантень макссь лем.
5Mинек Азорось ине ды Сонзэ виезэ ине.
Сонзэ превезэ аонкставикс.
6Азорось кепеди сэтьметнень,
а вана зыяновтнень Сон правты мода ёжос.
7Сюкпрянь ёвтазь, морадо Азоронтень шнамо!
Седядо минек Пазонтень арфасо!
8Сон вельти менеленть пельсэ,
аноксты моданть туртов пиземе,
касты пандо лангсо тикше
[ды ломаненть лезэс сюро].
9Сон максы ракшатненень ярсамопель
ды анды кренчлевкстнэнь, зярдо сынь вачодо пижнить.
10Сонзэ мельс тукшныть аволь айгоронть виезэ
ды аволь эрязасто молиця ломанень пильгетне.
11Азоронть мельс тукшныть ломантне,
конат пелить Сондензэ,
конат нежедить Сонзэ седеймарямонзо лангс.
Глава 146
