Библия на финно-угорских языках

•   
• Главная
• Библия
• Библейские рассказы
• Аудио
• Загрузки
• Контакты

Библия

Выбрать язык vienankarjalakšilivviksevepsän kelelмокшексэрзякскоми кыв вылынкоми-пермяцкöй кыв вылынмарлакырык марлаудмурт кылынмāньси лāтӈылханты ясаӈан

Книги Ветхого Завета про «Библия»содержаниеКнига РуфьПсалтирьПритчиЕкклесиастПесни ПеснейИона

Книги Нового Завета Выбрать книгупро «Од Вейсэньлув»содержаниесловариОт МатфеяОт МаркаОт ЛукиОт ИоаннаДеянияИакова1-e Петра2-e Петра1-e Иоанна2-e Иоанна3-e ИоаннаИудаК Римлянам1-е Коринфянам2-е КоринфянамК ГалатамК ЕфесянамК ФилиппийцамК Колоссянам1-е Фессалоникийцам2-е Фессалоникийцам1-е Тимофею2-е ТимофеюК ТитуК ФилимонуК ЕвреямОткровение

ПСАЛТИРЬ

ОЗНОМАМОРОТ

Глава 19

Войнань шкасто инязоронть кисэ ознома

1Моравтомань ветицянтень. Давидэнь псалмась.

2Кадык мелявтома чистэ тонь марятанзат Азорось,
   кадык ванстатанзат тонь Иаковонь Пазонть лемезэ.
3Кадык кучи Сон теть лезкс иневанькс эрямо таркастонзо,
   кадык кемекстатанзат тонь Сионсто.
4Кадык Сон мельс ледстясынзе весе тонь казнеть-аноксот,
   кадык Сон паро мельсэ сайсынзе тонь пултавкстнэнь*а.
5Кадык максы теть [Азорось] седееть коряс,
   кадык топавтсынзе весе тонь бажамотнень.
6Минь кенярдтано, зярдо тон изнят,
   ды кепедтяно знамя минек Пазонть лемс.
   Кадык топавтсынзе Азорось весе тонь вешематнень!

7Ней мон содан: Азорось лезды Эсензэ вадевтентень.
   Сон мари сонзэ иневанькс менельстэнзэ
   ды иди сонзэ вить кедень покш вийсэнзэ.
8Веенст шныть пряст кильдемасост-крандазсост,
   лият – айгоронь ушмосост,
   а вана минь прянок шнатано минек Азоро Пазонть вийсэ.
9Сынь лавшомгадсть ды прасть,
   минь жо стинек ды аштетяно кеместэ.

10Азоро, идик инязоронть
   ды марямизь минек, зярдо карматано тердеме Тонь!

*а 19:4 пултавкс – жертва всесожжения; еврейтне Пазонтень аноксокс печкильть шумбра ракша, конань целанек пултылизь алтарь лангсо.

 Глава 19