Библия
Выбрать язык
Книги Ветхого Завета
Книги Нового Завета
с русским текстом
ПСАЛТИРЬ
ОЗНОМАМОРОТ
Глава 25
Чумовтомо ломанень ознома
Давидэнь псалмась.
1Азоро, невтик Эсь видечить монь тевсэнть!
Эдь мон эрян ваньксчисэ
ды апак кавтолдо кеман-нежедян Тонь лангс.
2Азоро, варчавтнемак монь ды терявтнемак монь.
Ваныть-ванськавтыть монь превень ды седеем.
3Эдь мон свал кирдян мельсэнь Тонь седеймарямот,
якан Тонь видечисэнть.
4Мон эзинь аштекшне кенгелиця ломантнень марто вейсэ,
ды салава сускицятнень мартояк а молян.
5Мон эзинь вечке авидечинь теицятнень куротнень
ды а озан зыяновтнень марто вейсэ.
6Шлян кедень чумовтомочисэ
ды ютан Тонь алтаренть перька, Азоро.*а
7Гайгиця моросо ёвтан Теть сюкпря
ды пачтян весе Тонь дивань тевтнеде.
8Азоро, монень вечкеви Тонь эрямо-аштема кудот,
Тонь инексчинть эрямо тарказо.
9Пежетевтнень марто иляк ёмавто монь оймем
ды верень валыцятнень марто – монь эрямом.
10Сынст кедест свал теить зыян,
ды вить кедень коморост пештязь удалга максозь ярмакто.
11А вана мон якан ваньксчисэ.
Идемак монь, [Азоро], ды ульть седеймарицякс монень.
12Монь пильгень аштить виде килангсо.
Ине промкссо мон инелгавтса-шнаса Азоронть.
*а 25:6 Вант: 5.Моис.21:6-9, Матв.27:24
Глава 25
