Библия
Выбрать язык
Книги Ветхого Завета
Книги Нового Завета
с русским текстом
ПСАЛТИРЬ
ОЗНОМАМОРОТ
Омбоце книгась
(41-71 псалматне)
Глава 41
Монь оймем бажи Пазонтень
1Моравтомань ветицянтень. Кореень буенть тонавтомазо.
2Кода сёканесь бажи чудикерьксэнь ведентень,
истя монь оймем, Пазом, бажи Тонеть!
3Монь оймем палы эриця ды виев Пазонть мельга.
Зярдо сован озкудос,
зярдо стян Пазонть чачонзо икелев?
4Сельведень ульнесть монь кшикс читькак ды ветькак,
зярдо чистэ чис тень кортасть: «Косо тонь Пазот?».
5Седеем пешкеди ризкстэ, зярдо ледстяса,
кода яксинь ламо ломань марто,
кода покшчистэ вейсэ совсинек озкудос,
кода кенярдозь морынек ды шнынек Пазонть.
6Монь оймем, мекс тон мелявтат ды мекс талнат?
Кемть-нежедть Пазонть лангс.
Мон таго карман шнамо Сонзэ,
монь Идицянть ды монь Пазонть.
7Монь Пазом! Мелявты монь оймем,
секскак ледстнян Тондеть Иордан лангсо,
Ермон ды Мицар пандотнень лангсо.
8Отьмась терди отманть
Тонь ведьпрамотнень лажномасо-увномасо.
Весе Тонь ведтне-толкунтнэ*а
ды Тонь ведьвелявкстнэ ютасть монь велькска.
9Чить Азорось кучсы Эсь седеймарямонзо.
Веть Сонензэ мон моран,
алтан озномам Пазонтень, кона макссь тень эрямо.
10Мерян Пазонтень, монь кисэ аштицянтень:
«Мекс Тон монь стувтымик?
Мекс мон нусманясто якан ятонь лепштямотнеде?».
11Теке ловажан синдтрить монь яттнэ,
зярдо чистэ чис нарьгазь кевкстнить эйсэнь:
«Косо Тонь Пазот?».
12Монь оймем, мекс тон мелявтат ды мекс талнат?
Кемть-нежедть Пазонть лангс.
Мон таго карман шнамо Сонзэ,
монь Идицянть ды монь Пазонть.
*а 41:8 толкун – волна
Глава 41
