Выбрать язык
Книги Ветхого Завета
Книги Нового Завета
с русским текстомМоравтомань ветицянтень. Псалма. Моро.
1Весе модань эрицятне, кенярдозь серьгедеде Пазонтень!
2Морадо инексчи Сонзэ лементень,
гайгезэ кецнезь Сонензэ шнамось!
3Ёвтадо Пазонтень:
«Дивавтыцят-тандавтыцят весе Тонь тевтне!
Покш Тонь виеть, секс Тонь душмантнэ максызь
пряст кедеть алов.
4Весе модась сюконязо Тонеть,
моразо Тонеть ды шназо Тонь леметь, [Верепаз]!».
5Садо ды варштадо Пазонть тевензэ лангс.
Сынь дивавтнить-тандавтнить весе ломантнень.
6Сон костизе иневеденть,
ды минек покштятне леенть трокс ютасть ялго.
Секс минь эрьгелинек Сонзэ кисэ.
7Сон Эсензэ вийсэ ашти инязорокс пингеде пингес.
Сонзэ сельмензэ ваныть весе раськетнень мельга.
Кадык каштмолить каршо молицятне.
8Раськетне, шнадо минек Пазонть!
Келейстэ гайгезэ Сонзэ шнамось!
9Сон ванстызе минек ойменть эрямонзо
ды эзь максо чатазевемс минек пильгетненень.
10Пазонок, Тон варчавтнимизь минек,
солавтымизь минек, кода солавтыть сия.
11Тон совавтымизь минек кундсемкас-пистеньс*а,
путыть лангозонок стака ашко.
12Тон мерить ломантненень ардтнемс минек прянок ланга.
Минь понгинек толс ды ведьс,
ансяк Тон ливтимизь минек оляс.
13Сован Тонь кудос пултавкстнэнь марто,
топавтсынь Тонеть монь алтамотнень,
14конатнень ёвтынзе кургом ды пачтинзе келем,
зярдо монень ульнесь стака.
15Куяв пултавкст максан Тонеть,
ревень анокст тантей чинекс,
ветян пултамс букат ды атяка сеят.
16Паздонть весе пелицятне, садо, кунсолодо.
Мон ёвтан тенк, мезе тейсь Сон монь туртов.
17Мон тердия Сонзэ ды шныя Сонзэ.
18Кирдевлиньгак нулгодькс тевть эсень седейсэ,
аволимим маря Азорось.
19Пазось жо маримим,
кунсолызе монь ознома вайгелем.
20Шназь улезэ Пазось,
кона эзь велявто монь озноманть эйстэ
ды эзизе сае монь эйстэ Эсь седеймарямонзо.
*а 11 пистень – силок
Глава 65