Библия
Выбрать язык
Книги Ветхого Завета
Книги Нового Завета
с русским текстом
ПСАЛТИРЬ
ОЗНОМАМОРОТ
Глава 74
Пазось максы эрьвантень видечинь коряс
1Моравтомань ветицянтень. «Иля маштне» морамолувонть коряс. Асафонь псалмась. Моро.
2Шнатано Тонь, Пазом, шнатано.
Малавикс Тон миненек.
Тонь дивань тевтнеде ёвтнить.
3Тон мерить: «Кочкан шка
ды карман судямо видечинь коряс.
4Сорнозеви модась сонзэ лангсо весе эрицятнень марто.
Ансяк Мон кеместэ кирдян сонзэ юртнэнь.
5Кортан прянь покшкавтницятненень: ”Илядо кепсе прянк”
ды зыяновтненень: ”Илядо кепсе сюронк.
6Илядо кепсе истя верев эсенк сюронк,
илядо корта ломантнень марто каштансто,
прянь верьга кандозь”».
7Се, мезе ломаненть кепеди верев,
а сакшны чилисемасто ды чивалгомасто эли чаво модасто.
8Судиясь – Пазось: вейкенть Сон валгсты,
омбоценть кепеди.
9Кечесь Азоронть кедьсэ, эйсэнзэ винась чов потсо.
Сон кайси те кечестэнть.
Весе модань зыяновтненень
сави симемс сонзэ потмаксос, човорявкснэк-мезнек.
10Пингеде пингес мон карман ёвтнеме Иаковонь Паздонть,
карман моравтомо-шнамо Сонзэ.
11Сон синдьсынзе зыяновтнень весе сюрост,
ды кепедевить видечисэнть сюронзо!
Глава 74
