Библия
Выбрать язык
Книги Ветхого Завета
Книги Нового Завета
с русским текстом
ПСАЛТИРЬ
ОЗНОМАМОРОТ
Глава 91
Пазонть инепарозо видечисэтнень туртов
1Псалма. Оймсемачинь моро.
2Пек паро шнамс Азоронть
ды инелгавтомс моросо Тонь леметь, Верепаз!
3Пек паро валске ёвтнемс Тонь седеймарямодот,
веть – Тонь видечидеть
4кемень струна марто седямопельсэ ды лирасо,
моро марто арфасо.
5Тон кецневтят монь, Азоро, Эсеть тевтнесэ,
монень пек вечкевить Тонь тевтне.
6Кодат инеть Тонь теветь, Азоро!
Кодат домкат Тонь мелеть-преветь!
7Превтемесь сень а соды,
чавола прясь а чарькоди:
8зыяновтне касыть, теке тикше,
авидечинь теицятне раштыть,
ялатеке сынь алтазь пингеде пингень ёмамос.
9Тон жо, Азоро, весемеде вере пингеде пингес!
10Вана Тонь душмантнэ, Азоро, –
Тонь душмантнэ маштневить-кулсить,
ды весе зыянонь теицятне сравтневить-ёмить.
11А вана монь Тон теят виевекс, кода идем буканть,
ды вадят монь од елейсэ.
12Сельмень неить монь душмантнэнь,
ды пилень марить, кода лепштить зыянонь теицятнень,
кить кепсевить монь лангс.
13Видечисэтне рацякадыть, теке пальмат,
касыть-кепетить, теке Ливанонь кедрат.
14Сынь озавтозь Азоронть кудозонзо,
касыть-цветить минек Пазонть озкудонзо пирявт потсо.
15Сыречисэяк сынь виевть,
пижелдыть ды пургондыть.
16Сынь ёвтнить Азоронть видечидензэ.
Азорось – монь кеме таркам,
ды арась Эйсэнзэ кодамояк авидечи.
Глава 91
