Библия
Выбрать язык
Книги Ветхого Завета
Книги Нового Завета
с русским текстом
ПСАЛТИРЬ
ОЗНОМАМОРОТ
Глава 96
Азорось – Верепаз весе моданть лангсо
Давидэнь псалмась, зярдо сон тейсь-кемекстась эсь масторонзо.
1Азорось – инязор!
Кенярдозо модась, кецнест ламодояк ламо усиятне!
2Сонзэ перька пельть ды тусто чопода.
Сонзэ инеэзементь кирдить видечись ды виде судось.
3Икелензэ моли тол
ды пулты-машты Сонзэ душмантнэнь пертьпельга.
4Сонзэ ёндолонзо валдомтыть моданть-масторонть,
модась неи тень ды соракали.
5Пандотне солыть, теке шта, Азоронть икеле,
весе модалангонь Азоронть икеле.
6Менелесь пачти Сонзэ видечинть,
ды весе раськетне неить Сонзэ инексчинть.
7Кадык улить визделгавтозь
аволь алкуксонь пазтнэнень весе сюконицятне,
весе, кить шныть пряст истят кедьтеевкстнэсэ.
Сюконядо Сонензэ, весе пазтнэ△.
8Сионось мари тень ды эрьгели,
Иудань велетне-оштне кеняркшныть
Тонь виде судямот кувалма, Азоро.
9Тон, Азоро, Верепазат весе моданть лангсо,
Тон весе пазтнэде вере.
10Азоронть вечкицятне, илядо вечке зыянонть!
Азорось вансты Эсензэ кемевикс важонзо,
олякстомты сынст зыяновтнень эйстэ.
11Валдось сияжды видечисэтненень,
кенярксось вельти виде седейтнень.
12Кенярдодо, видечисэтне, Азоронть кисэ!
Шнадо Сонзэ иневанькс лементь!
Шнамо
Глава 96
