Выбрать язык
Книги Ветхого Завета
Книги Нового Завета
с русским текстом
1– Цёрам! Иля стувтне монь превс путоматнень.
Кадык седееть вансты монь кармавтовкстнэнь.
2Эдь сынь кандыть тонеть
кувака ды сэтьме эрямо.
3Кадык тонь а кадтадызь алкуксонь вечкемась ды видечись:
кандтнек эйсэст кирьгасот, сёрмадыть седеезэть.
4Сестэ Пазонть ды ломантнень пельде
тонеть максови вечкема ды паронь арсема.
5Иля нежеде эсь преветь лангс –
весе седейсэть кемть Инешкипазонть лангс.
6Весе эсеть китнень лангсо содак Сонзэ,
ды Сон аравтанзат виде килангс.
7Иля лово эсь прят превейде превеекс.
Пельть Инешкипаздонть ды кирдевть вепеле зыянонть эйстэ.
8Те ули шумбрачикс тонь рунгонть туртов
ды кемекстамокс тонь ловажат туртов.
9Мельс путт Инешкипазонть эсеть сюпавчить эйстэ аноксонь максозь,
кандт Тензэ весе кастозеть эйстэ сехте паро пельксэнть.
10Сестэ улить пряс пештязь тонь мацтот-утомот,
ды винань теемань тонь кедьгетне кармить чудеме велькска.
11– Цёрам! Инешкипазонть пельде казямо превс путоманть ловт лезэвекс
ды Сонзэ мурнемадонть-тонавтомадонть иля ацирьгале.
12Эдь Инешкипазось кинь вечки, сень мурни-тонавты,
кода тетясь эсь вечкема цёранзо.
13Уцяскав се, кие пачкодсь покш превейчис,
чанстязь-баславазь се, кона таштась паро превть!
14Эдь покш превейчиденть лезэсь сиядо покш,
сонзэ эйстэ сазь парочись сырнеде сюпав.
15Сон сехте питней кевдеяк питней,
[кодамояк зыян а цидярды покш превейчинть каршо.
Сонзэ содасызь весе, кить аштить маласонзо,]
тонь сюпавчистэнть сехте питнееськак (/м:вечкевиксэськак/ мельстуицяськак? ср.с 8:11)
кодаяк а аравтови покш превейчинть ваксс.
16Кувака эрямонть сон явши вить кедьсэнзэ,
сюпавчинть ды инексчинть – керш кедьсэнзэ.
[Видечись лиси сонзэ кургсто,
коенть ды седеймарямонть кандтни келензэ лангсо.]
17Сонзэ кинзэ мельстуицят,
весе янонзо сэтьметь.
18Сон эрямонь чувто сетненень, конат эйзэнзэ кундасть.
Ды уцяскавт сетне, конат эйзэнзэ педясть!
19Инешкипазось теизе модань юронть покш превейчисэнзэ,
кемекстызе менеленть ине превсэнзэ.
20Сонзэ содамочисэнть панжовсть модапотмонь ведтне
ды пельтне певердить ведьбайгинеть.
21– Цёрам! Ванстак шумбра преветь ды чарькодьксчить!
Свал сынст кирдть сельметь икеле.
22Сынь кармить улеме эрямокс ойметь туртов
ды мазылгавтомакс кирьгат туртов.
23Сестэ апак пеле туят эсь кияват
ды зярдояк а пупордят.
24Зярдо мадят удомо – а кармат пелеме,
матедевемат ули тантей, сэтьме.
25А пелезеват апак учонь тандавкстонть,
пазтомотнень лангс прыця покш кажодонть.*а
26Эдь Инешкипазось теть ули нежедьксэкс,
Сон вансттанзат пупордямодонть.
27Арасьчисэ эрицятненень тейть паро,
зярдо тон вийсэть тенст лездамс.
28Иля мере ялгатень (/м:лиянтень?): «Азё, сак оштё весть,
ды ванды мон теть максан», –
зярдо тонь уш ули вешевиксэсь.
[Эдь тон а содат, мезе канды сыця чись.]
29Иля арсевте малавиксэть каршо зыян,
зярдо сон (м:мартот/ маласот?) эри лангозот кемезь.
30Иля ушодо тувталтомо аладямот-судямот ломаненть марто,
кона эзь тее теть берянь.
31Иля сявадстне сельметь зыянонь теиця ломаненть (/м:лепштицянть-нарьгицянть?) лангс,
иля чалга сонзэ вейкеяк кинзэ лангс.
32Эдь Инешкипазось нулгоди колезь седейтнеде,
Сон – видечисэ эрицятнень марто.
33Инешкипазонть сюдомазо пазтомотнень кудост лангсо,
а вана видечисэтнень кудост Сон чансти-баслави.
34Нарьгицятнень-пеедькшницятнень лангсо Сон пеедькшни,
сэтьметненень вана кази вечкеманзо.
35Валдо прев мартотненень казеви инексчись,
превтеме эрицятнень уцяскаст – визьксчамась.
*а 3.25 Те тарканть ули лия чарькодемазояк: пазтомотнень пельде сыця покш кажодонть.
Глава 3