Библия на финно-угорских языках

•   
• Главная
• Библия
• Библейские рассказы
• Аудио
• Загрузки
• Контакты

Библия

Выбрать язык vienankarjalakšilivviksevepsän kelelмокшексэрзякскоми кыв вылынкоми-пермяцкöй кыв вылынмарлакырык марлаудмурт кылынмāньси лāтӈылханты ясаӈан

Книги Ветхого Завета про «Библия»содержаниеРуфьПсалтирьПритчиЕкклесиастПесня ПеснейИона

Книги Нового Завета Выбрать книгупро «Од Вейсэньлув»содержаниесловариОт МатфеяОт МаркаОт ЛукиОт ИоаннаДеянияИакова1-e Петра2-e Петра1-e Иоанна2-e Иоанна3-e ИоаннаИудаК Римлянам1-е Коринфянам2-е КоринфянамК ГалатамК ЕфесянамК ФилиппийцамК Колоссянам1-е Фессалоникийцам2-е Фессалоникийцам1-е Тимофею2-е ТимофеюК ТитуК ФилимонуК ЕвреямОткровение

Екклесиастонь эли Тонавтыцянь книгась

Покш превейчинть виезэ ды пежетенть зыяновчизэ

1Кулозь карвотне ёмавтыть ды чиниявтыть тантейстэ качадыця ваднемапеленть.
   Истя ломанень апокш чаволачиськак изни покш превейчинть ды инексчинть.

2Пек превеень седеесь тарги-уски вить ёнов,
   чаволань седеесь – керш ёнов.
3Мик киява молемстэяк чаволанть а сатны смустезэ,
   ды эрьвась неи, кодамо сон чавола.

4Кирвазиндеряйть прявтот кежензэ лангозот, иля туе таркастот.
   Эдь коронь кирдемась сэтьмелгавты покш чумочитненьгак.

Чаволатнень прявтокс улемаст

5Чипаенть ало неинь истямояк зыян,
   ильведевкс, конань теи прявтось:
6чаволачись кепедезь ламо вере таркатнес,
   сюпавтне вана озавтозь алце таркатнес.
7Неинь алаша лангсо ардыця уреть
   ды уре ладсо ялго молиця чирязт.

Важодемстэ эрсить кажот-зыянт

8Кие чуви латко – секень вант, сонсь эйзэнзэ пры.
   Кие калавты пирявкс – сень, эрси, пупасы гуй.

9Кие важоди кев марто, сень калалить карязонзо.
   Кие лазны пенгть, пелезэ томбавомадо.

10Ношкалгадындеряй узересь ды а ули човазь –
   эйсэнзэ важодемстэ сави ютавтомс ламо вийть.
   Покш превейчись лезэв парсте важодеманть туртов.

11Гуень кортавтыцянтень*а а ули кодамояк лезэ ёрокчидензэ,
   пупиндерясы гуесь кортавтомадонзо икеле.

Пек превей ды чавола кортамо

12Пек превеенть кургосто лисезь валтнэ кандыть паро.
   А вана чаволанть сэвсы-ёмавтсы эсензэ келесь.
13Сонзэ кургосто лисиця валтнэнь ушодовомась – чаволачи,
   кортамонзо песь – превстэ тунь лисема.
14Чаволась ламо мезе корты,
   куш ломанесь а соды, мезе карми улеме,
   ды кияк а ёвты тензэ, мезе карми улеме туемадонзо мейле.
15Важодемась сизевти-налкставты чаволанть.
   Сон мик а содасы ошов кинть.

16Кажо теть, мастор, зярдо инязорот цёрабай*б
   ды чирязот валскестэ саезь ансяк ярсыть-симить!
17Уцяскават, мастор, зярдо инязорот паро ёндо содавикс раськень-буень
   ды чирязоткак ярсыть-симить шкастонзо –
   виень таштамонь туртов, аволь тоцтямомас-иредемас!

18Нузякстнэнь новоли латонь кирди чочкост.*в
   Нолдазь кедтнень кольгезеви латост.

19Симематне-ярсамотне пурнавкшныть ёжомарямонь витеманть кис,
   винась канды кеняркс-эрьгелема.
   Ансяк вана весементь кисэ пандови ярмаксо.

20Мик арсемасот иля ёвта апаро вал инязоронть эйстэ,
   удома нупальсэтькак беряньстэ иля корта сюпавдонть.
   Пельть: менель нармунесь пачтясы валот,
   сёлмовось ёвтнесы кортамот.

*а 10.11 гуень кортавтыця – заклинатель змей.

*б 10.16 Эли: инязорот – важо.

*в 10.18 латонь кирди чочко – кудонь матка.

 Глава 10