Библия
Выбрать язык
Книги Ветхого Завета
Книги Нового Завета
с русским текстом
ПСАЛТЫР
5 Псалом
1 Сьыліссезӧн веськӧтлісьлӧ. Орсӧны пӧля́ннэз вылын. Давидлӧн псалом.2 Дӧсвидзисьӧ, кыв менчим кыввезӧс,
вежӧрт юрам видзӧ́мӧс.
3 Менам Ӧксуӧ, менам Енӧ,
кыв менчим герьясьӧмӧн кеймӧ́мӧс,
ме эд Тэныт кеймися.
4 Дӧсвидзисьӧ, одз асывнас Тэ кылан менчим шыӧс,
асъяпоннас сувта Тэ одзӧ да понда видзчисьны.
5 Тэ эд Ен, Кӧда оз радейт умӧль керӧ́ммесӧ.
Умӧльсӧ керисьыс Тэ дынын оз вермы овны.
6 Вышитчиссес озӧ лоӧ Тэнат син одзын.
Тэ видзӧтны он вермы умӧльсӧ кериссез вылӧ.
7 Бӧбӧтчиссесӧ Тэ кувтӧдз воштан.
Вир юиссесӧ да нійӧ,
кӧдна мортлӧ гусьӧн умӧльсӧ керӧны,
Дӧсвидзисьыс сэрпӧсь отирӧ пуктӧ.
8 Но меным Тэ небыт сьӧлӧмсянь уна отсалан,
сійӧн пыра Тэнат Керкуӧ
да Тэись полӧмӧн копыртча Тэнат вежаин
*а одзын.
9 Дӧсвидзисьӧ, нуӧт менӧ Аслат веськыт туй кузя.
Ме вылӧ лэбтісьӧм отир син одзын
Ассит туйтӧ меным волькӧт.
10 Ны ӧмись петӧ бӧбӧтӧ́м,
а сьӧлӧмсиныс ─ изводалӧ́м
*б.
Горшныс нылӧн ─ осьта шойна
*в,
асланыс кылӧн нія кыдз виа бордӧн мавтӧны.
11 Енӧ, мыжйы нійӧ!
Умӧльсӧ керны юраныс пыртӧ́мсянь нія ась усьӧны.
Уна умӧль керӧ́мныс кузя вашӧт нійӧ,
нія эд лэбтісисӧ Тэ вылӧ.
12 Тэ вылӧ надейтчиссес быдӧнныс гажмасӧ.
Пыр пондасӧ гажӧтчыны.
Тэ нійӧ пондан дорйыны.
Тэнчит нимтӧ радейтіссес Тэӧн пондасӧ ошшасьны.
13 Дӧсвидзисьӧ, веськыта олісьсӧ Тэ бласлӧви́тан.
Бур керӧ́мнат, сайӧвтча́нӧн
*г моз,
ӧтмӧдӧрсянь сійӧ сайӧвтан.
*а 5:8 вежаин ─ святилище
*б 5:10 изводалӧ́м ─ уничтожение, пагуба
*в 5:10 шойна ─ могила
*г 5:13 сайӧвтча́н ─ щит
Глава 5
