Библия
Выбрать язык
Книги Ветхого Завета
Книги Нового Завета
с русским текстом
ПСАЛТЫР
111 Псалом
1 Аллилуйя!
Шуда сія мортыс,
кӧда полӧ Дӧсвидзисись
да ӧддьӧн радейтӧ Сылісь тшӧктӧ́ммесӧ.
2 Сысянь чу́жӧммес му вылас лоасӧ вынаӧсь.
Веськыта оліссезлӧн челядьныс лоасӧ бласлӧви́тӧмӧсь.
3 Сы керкуын быдӧс лоас тырмӧмви.
Сылӧн веськыта керӧ́мыс пыр олӧ.
4 Веськыта олісьлӧ и пемытас югытыс ӧзйӧ.
Сія мортыс бур, небыт сьӧлӧма, веськыта керись.
5 Бур мортыс небыт сьӧлӧмсянь отсалӧ
да одзӧсӧн сетӧ,
суд вылын веськыта баитӧ.
6 Веськыта олісь некӧр оз усь.
Сійӧ пыр пондасӧ тӧдвылын видзны.
7 Умӧль юӧрись сія оз повзьы.
Дӧсвидзись вылӧ надейтчӧ́мсянь
сылӧн сьӧлӧм вылас лӧнь.
8 Веськыта олісьлӧн сьӧлӧмыс вынсьӧтӧм.
Лэбтісьӧм йӧз вылӧ сія повтӧг видзӧтӧ.
9 Кортӧн ветлӧтіссезлӧ сія жалейттӧг сетӧ.
Сылӧн веськыта керӧ́мыс пыр пондас овны.
Сія лоас вына, и сійӧ ошкасӧ.
10 Этӧ адззӧ Ентӧг олісь да лӧгасьӧ,
пиннесӧ йирӧ и нач садьтӧмсялӧ.
Ентӧг олісь мый лӧсьӧтчӧ керны,
сія сылӧн некӧр оз аркмы.
Ошкӧ́м.
Глава 111
