Библия
Выбрать язык
Книги Ветхого Завета
Книги Нового Завета
с русским текстом
ПСАЛТЫР
129 Псалом
Вежа Керкуӧ кайӧ́м коста сьылӧ́м.1 Дӧсвидзисьӧ,
пыдынiнсянь Тэныт горӧн кеймися.
2 Дӧсвидзисьӧ, кыв менчим шыӧс.
Лӧсьӧт Ассит пельтӧ
кывны менчим кеймӧ́мӧс.
3 Дӧсвидзисьӧ,
Тэ пондан кӧ тӧдвылат видзны
мортлісь быд умӧль керӧ́мсӧ,
кин нӧ сэк вермас Тэ одзын сулавны?
4 Но Тэ проститан отирсӧ,
медбы нія Тэ одзын кывзiсьӧмӧн-полӧмӧн олісӧ.
5 Ме надейтча Дӧсвидзись вылӧ.
Быдсӧн сьӧлӧмнам надейтча Сы вылӧ.
Надейтча Сылӧн Кыв вылӧ.
6 Кар сьӧрын видзӧтіссез асывсӧ ӧддьӧн видзчисьӧны,
а ме Дӧсвидзисьсӧ нысся ӧддьӧнжык видзчися.
7 Израильыс ась надейтчӧ Дӧсвидзись вылӧ!
Дӧсвидзисьыс эд небыт сьӧлӧма.
Миян быдсӧн мезмӧ́мным Сы киын.
8 Израиль отирсӧ Сія мездас нылӧн быд умӧль керӧ́мись.
Глава 129
