Библия
Выбрать язык
Книги Ветхого Завета
Книги Нового Завета
с русским текстом
ПСАЛТЫР
131 Псалом
Вежа Керкуӧ кайӧ́м коста сьылӧ́м.1 Дӧсвидзисьӧ, уськӧт тӧдвылат Давидсӧ,
сылісь пессьӧ́м-мырсьӧ́мсӧ.
2 Сія Дӧсвидзисьлӧ кыв сетіс,
Яковлӧн вына Енлӧ сідз кӧсйисис:
3 «Ме ог пыр аслам керкуӧ,
ог вод аслам ольпасьӧ,
4 синнэзлӧ ог сет куньсьыны,
синлоппезлӧ
*а пӧднассьыны,
5 кытчӧдз ог адззы Дӧсвидзисьлӧ гортсӧ,
Яковлӧн вына Енлӧ оланiнсӧ».
6 Мийӧ Йитӧ́тӧн Коробья
*б йылісь Ефрафаын кылім,
Иарим ыб вылісь сійӧ адззим.
7 Мунам Дӧсвидзисьлӧн оланiнӧ,
Сылӧн кок сувтӧта́н одзын копыртчамӧ!
8 Дӧсвидзисьӧ,
чеччы да лок Аслат шоччисянiнӧ!
Тэ да Тэнат вынлӧн Коробьяыс
*в локтӧ!
9 Тэнат вежауджаліссезлӧ паськӧмыс
лоас веськыта олӧ́м.
Тэнат надейнӧй отирыт пондасӧ горӧн гажӧтчыны.
10 Тэнат Давид раб понда
эн коль Ассит ма́втӧмтӧ
*г.
11 Дӧсвидзисьыс Давидлӧ надейнӧй кыв сетіс.
Ассис кывсӧ Сія оз веж:
«Тэсянь чу́жӧмсӧ Ме пуксьӧта
Тэнат юрала́н пукӧ́с вылӧ.
12 Тэнат зоннэт сьӧлӧманыс ась пыр видзӧны
Мекӧт керӧм йитӧ́тсӧ.
Ась олӧны Менам тшӧктӧ́ммез сьӧрті,
кӧднаӧ Ме нійӧ велӧта.
Сэк и нылӧн зоннэзныс пыр пондасӧ пукавны
тэнат юрала́н пукӧ́с вылын».
13 Дӧсвидзись бӧрйис Сионсӧ,
Сылӧ сэтӧн коліс лӧсьӧтны Аслыс оланiн:
14 «Эстӧн Менам шоччисянiнӧ.
Эстӧн Ме понда овны пырся-пыр,
сійӧ эд Ме Ачым бӧрйи.
15 Сионын оліссесӧ Ме сёя́нӧн тырмӧмви бласлӧви́та.
Сэтӧн кортӧн ветлӧтіссесӧ няньӧн пӧттӧдз верда.
16 Сэтісь вежауджаліссесӧ Ме мезмӧ́мӧн вевття.
Сионісь Енлӧн отир пондасӧ гажӧтчыны.
17 Сэтӧн Давидлісь юралӧ́мсӧ Ме вынсьӧта.
Менам ма́втӧмлӧ югдӧта́н би ӧзта.
18 Сы вылӧ лэбтісьӧммесӧ рожа куля́нӧдз уськӧта,
а сы юр вылын пондас югьявны юркытш».
*а 131:4 синлоп ─ веко
*б 131:6 Йитӧ́тӧн Коробья ─ Ковчег Завета
*в 131:8 вынлӧн Коробья ─ Ковчег могущества, Ковчег Завета
*г 131:10 ма́втӧм ─ помазанник
Глава 131
