Библия
Выбрать язык
Книги Ветхого Завета
Книги Нового Завета
с русским текстом
ПСАЛТЫР
139 Псалом
1 Сьыліссезӧн веськӧтлісьлӧ. Давидлӧн псалом.2 Дӧсвидзисьӧ, мезды менӧ лёк отир дынiсь,
сайӧвт менӧ дзескӧтліссез шогья.
3 Нiя сьӧлӧманыс видзӧны умӧльсӧ керны,
быд лун лэбтісьӧны видчыны.
4 Нылӧн кывныс кыйлӧн
*а кодь лэчыт,
а ӧманыс гадюкалӧн яд.
5 Дӧсвидзисьӧ,
эн лэдз меным сюрны Ентӧг оліссезлӧн киэзӧ.
Дорйы менӧ дзескӧтліссез шогья,
кӧдна мӧдӧны менӧ уськӧтны кок вылісь.
6 Асьнысӧ вылына лэбтіссез
менӧ кыйны кыйся́ннэз тэчисӧ:
лӧччез
*б да петляэз сайӧвтӧмӧн сувтӧтісӧ,
туй вылас казь
*в нюжӧтісӧ.
7 Дӧсвидзисьлӧ ме висьталі:
«Менам Еныс ─ Тэ.
Дӧсвидзисьӧ, кыв менчим кеймӧ́мӧс.
8 Дӧсвидзисьӧ, Дӧсвидзисьӧ,
Тэ вына, Тэ ─ менӧ Мездісь!
Тышкасьӧ́м коста Тэ менчим юрӧс сайӧвтін.
9 Дӧсвидзисьӧ, Ентӧг оліссезлӧ эн сет сійӧ,
мый нылӧ колӧ.
Нiя мый мӧдӧны керны умӧльсӧ,
сія лӧсьӧтчӧ́мныс ась оз керсьы,
медбы нiя эзӧ пондӧ асьнысӧ лэбтыны».
10 Менӧ дзескӧтліссезлӧн умӧль кыввезныс
асланыс юр вылӧ ась усьӧны.
11 Ны вылӧ сотча́н шоммез ась усьӧны!
Биӧ да пыдӧстӧминӧ нійӧ ась шентӧны
*г,
медбы эзӧ вермӧ петны.
12 Лёк кыла морт му вылас оз понды бура овны.
Дзескӧтлісь мортсӧ лёк керӧ́мыс кыскас кулӧ́мас.
13 Ме тӧда,
Дӧсвидзисьыс дорьяс дзескӧтӧммесӧ,
Сія лоас умӧля оліссез дор.
14 Былись сідз лоас:
веськыта оліссез Тэнчит нимтӧ пондасӧ ошкыны,
сӧстӧм сьӧлӧмаэз Тэ дынын пондасӧ овны.
Ошкӧ́м.
*а 139:4 кый ─ змея
*б 139:6 лӧч ─ силки, ловушка
*в 139:6 казь ─ редкая сеть
*г 139:11 шентны ─ выкинуть
Глава 139
