Библия
Выбрать язык
Книги Ветхого Завета
Книги Нового Завета
с русским текстом
ПСАЛТЫР
147 Псалом
1 Аллилуйя!
Ерусалим, ошкы Дӧсвидзисьсӧ!
Сион, ошкы Ассит Ентӧ!
2 Тэнат ыбӧссэзiсь ига́ннэсӧ Сія ёнсьӧтӧ,
Тэнчит оліссетӧ бласлӧви́тӧ.
3 Тэнат муын лӧнь ола́н сетӧ,
тэнӧ медбур шогдiӧн вердӧ.
4 Ассис кывсӧ Сія му вылӧ ыстӧ,
Сылӧн кылыс перыта паськалӧ.
5 Сія чочком вурун моз лымсӧ сетӧ,
пужсӧ пӧим моз коялӧ.
6 Шерсӧ из торрез моз шенталӧ.
Сылӧн кӧдзытісь кытчӧ дзебсисян?
7 Сія Ассис кывсӧ ыстас, и быдӧс сылӧ,
Аслас тӧлӧн пӧльтыштас, и ваыс визывтӧ.
8 Ассис кывсӧ Сія юӧртіс Яковлӧ,
Ассис тшӧктӧ́ммесӧ да туйдӧтӧ́ммесӧ ─ Израильлӧ.
9 Мӧдік отирлӧ нійӧ эз юӧрт,
нiя Сылісь туйдӧтӧ́ммесӧ озӧ тӧдӧ.
Аллилуйя!
Ошкӧ́м.
Глава 147
