Библия
Выбрать язык
Книги Ветхого Завета
Книги Нового Завета
с русским текстом
ПСАЛТЫР
20 Псалом
1 Сьыліссезӧн веськӧтлісьлӧ. Давидлӧн псалом.2 Дӧсвидзисьӧ, Тэнат вынсянь ӧксу гажӧтчӧ,
ӧддьӧн радуйтчӧ, Тэ эд сійӧ мездін.
3 Тэ сетін сійӧ, мый коліс сы сьӧлӧмлӧ,
сылісь корӧ́мсӧ Тэ кылін.
4 Тэ бласлӧви́тін сійӧ уна бурсетӧ́мӧн,
сы юр вылӧ пуктін сӧстӧм зарниись юркытш.
5 Сія корис Тэнчит ола́н,
Тэ сылісь ола́нсӧ пыр кежӧ нюжӧтін.
6 Тэ ӧксулӧ отсалін лоны вермалісьӧн
*а,
и сійӧ ёна ошкӧны.
Тэ козьналін сылӧ вылына лэбӧ́мсӧ
*б да юрала́н вынсӧ.
7 Тэ бласлӧви́тін сійӧ пыр кежӧ,
вайин сылӧ ыджыт гаж,
Тэ эд сыкӧт.
8 Ӧксу надейтчӧ Дӧсвидзись вылӧ.
Медвылісьыс сы дынӧ небыт сьӧлӧма,
сійӧн ӧксуыс оз вӧрзьы.
9 Дӧсвидзисьӧ, Тэнат киыт судзӧтас
Тэ вылӧ лэбтісьӧммесӧ быдӧннысӧ.
Тэнат веськыт киыт вӧтас нійӧ,
кӧдна Тэ йылісь пельӧн бы озӧ кылӧ.
10 Лӧгувьят Тэ сотан нійӧ ӧграла́н горын моз.
Тэнат лӧгыт нійӧ ньылыштас, биыс сёяс.
11 Му вывсис нылісь челядьсӧ Тэ дзимлялан,
отирыс коласісь ─ нысянь шогмӧммесӧ.
12 Нія эд лӧсьӧтчисӧ керны Тэныт умӧльсӧ,
ӧтлаын баитчисӧ керны лёксӧ,
но нылӧн нем эз пет.
13 Тэ ныланьӧ бергӧтан Ассит ньӧвтӧ,
ньӧвьёссетӧ ньӧвсит чужӧ́маныс лыйлан.
14 Дӧсвидзись, лэбтісь Аслат вынӧн!
Мийӧ пондам сьылӧтны-ошкыны Тэнчит ыджыт вынтӧ.
Ошкӧ́м.
*а 20:6 вермалісь ─ победитель
*б 20:6 вылына лэбӧ́м ─ честь
Глава 20
