Библия
Выбрать язык
Книги Ветхого Завета
Книги Нового Завета
с русским текстом
ПСАЛТЫР
46 Псалом
1 Сьыліссезӧн веськӧтлісьлӧ. Корей зоннэзлӧн псалом.2 Отиррез, шовкӧтӧ киэзнаныт быдӧнныт!
Енсӧ гажӧн горӧна ошкӧ!
3 Медвылісьыс ─ Дӧсвидзись,
полӧ Сыись!
Сія ─ вына Ӧксу,
быдсӧн муыс Сы кипод увтын.
4 Сія отирресӧ миян кипод увтӧ сетіс,
мӧдік кыввез вылын баитісь йӧзсӧ
миян кок увтӧ пуктіс.
5 Сія миянлӧ мусӧ бӧрйис да лӧсьӧтіс,
басӧк-бур му Яковлӧ сетіс,
сійӧ эд ёна радейтіс.
6 Еныс лэбтісьӧ Аслас юрала́н пукӧ́с вылӧ,
Сійӧ гажӧн сьылӧтӧны.
Дӧсвидзисьлӧн кайӧ́м коста
букса́нӧн
*а орсӧны.
7 Сьылӧ миян Енлӧ, сьылӧ!
Сьылӧ миян Ӧксулӧ, сьылӧ!
8 Еныс эд Ӧксу быдсӧн муыс пасьта.
Сьылӧ Сылӧ вежӧртӧмӧн!
9 Еныс ─ Ӧксу,
Сія веськӧтлӧ отиррезӧн.
Еныс пукалӧ Аслас вежа юрала́н пукӧ́с вылын.
10 Отиррезлӧн юраліссез ӧксисӧ сія отир дынӧ,
кӧдналӧн Еныс ─ Авраамлӧн Ен.
Му вылын веськӧтліссез эд Еныслӧн,
Сія ─ Медвылісь Юралісь.
*а 46:6 букса́н ─ труба
Глава 46
