Библия
Выбрать язык
Книги Ветхого Завета
Книги Нового Завета
с русским текстом
ПСАЛТЫР
52 Псалом
1 Сьыліссезӧн веськӧтлісьлӧ. Сьылӧны «Махалаф» проглаз*а сьӧрті. Давидлӧн велӧтӧ́м.2 Мывкыдтӧм морт аслыс висьталӧ:
«Еныс абу».
Отирыс лэдзчисисӧ, сэрпсӧ керӧны,
бурсӧ некин оз кер.
3 Еныс енӧжсянь отир вылӧ видзӧтӧ,
медбы адззыны, эм я вежӧртісьыс,
Енсӧ кошшись мортыс.
4 Туй вывсис быдӧнныс ылалісӧ,
ӧтікӧдз озӧ туйӧ.
Абуӧсь бурсӧ кериссес, ӧтік абу.
5 Неужто озӧ вежӧрсялӧ умӧльсӧ кериссес?
Нія менчим отирӧс нянь моз сёйӧны,
Енсӧ озӧ корӧ.
6 Нійӧ полӧ́мныс кутас сэтӧн,
кытӧн немись повны.
Енлӧн отир вылӧ лэбтісьӧммезлісь
Сія лыэсӧ рознитас.
Ны вылын пондасӧ серавны,
Еныс эд ны дынісь бергӧтчис.
7 Ок, локтіс бы Сион вывсянь отсӧтыс
да мездіс Израильсӧ!
Кӧр Еныс бӧр вайӧтас Ассис отирсӧ,
йӧз кипод увтӧ нуӧтӧммесӧ,
сэк Яковлӧн увтырыс гажмас,
Израильыс пондас гажӧтчыны.
*а 52:1 проглаз ─ мотив
Глава 52
