Библия
Выбрать язык
Книги Ветхого Завета
Книги Нового Завета
с русским текстом
ПСАЛТЫР
93 Псалом
[Давидлӧн псалом. Сьылӧны неделяын нёльӧт лунӧ.]1 Дӧсвидзисьӧ, Тэ ─ вештісись Ен.
Вештісись Енӧ, мыччы Асьтӧ!
2 Мусӧ Судитісь, лэбтісь.
Асьнысӧ лэбтіссезлӧ вешты керӧ́ммезныс сьӧрті.
3 Дӧсвидзисьӧ,
Ентӧг оліссес кытчӧдз пондасӧ гажӧтчыны?
4 Нія вӧвлытӧмсӧ повтӧг баитӧны,
умӧльсӧ кериссес быдӧнныс вышитчӧны.
5 Дӧсвидзисьӧ, Тэнчит отиртӧ нія дзескӧтӧны.
Тэнчит йӧзтӧ кок увтаныс тальӧны.
6 Дӧваэсӧ да мӧдіклаись локтӧммесӧ нія вийӧны,
айтӧм-мамтӧммезлісь ловнысӧ босьтӧны.
7 Нія шуӧны: «Дӧсвидзисьыс оз казяв,
Яковлӧн Еныс некӧр оз понды тӧдны».
8 Мывкыдтӧм отир, вежӧрсялӧ!
Ылӧстӧммез, кӧр ни мывкыдсялат?
9 Пель Керись оз разь кыв?
Син Аркмӧтісь оз разь казяв?
10 Отирресӧ Велӧтісьыс,
Кӧда мортлӧ сетӧ мывкыдсӧ,
неужто оз осьт умӧль керӧ́мсӧ?
11 Мортлісь юрас видзӧ́ммесӧ Дӧсвидзисьыс тӧдӧ.
Сія тӧдӧ, нія ковтӧмӧсь.
12 Шуда сія мортыс,
кӧдӧ Тэ, Дӧсвидзисьӧ, туйдӧтан,
Аслат Туйдӧ́т сьӧрті овны велӧтан.
13 Сьӧкыт кадӧ Тэ сетан сылӧ лӧньсӧ,
кытчӧдз Ентӧг олісьлӧ шойна
*а оз гарйӧ.
14 Дӧсвидзисьыс эд Ассис отирсӧ оз чапкы,
Ассис йӧзсӧ оз коль.
15 Суд вылас бӧра пондасӧ веськыта бӧрйисьны,
сӧстӧм сьӧлӧмаэс быдӧнныс сідз пондасӧ керны.
16 Кин дорьяс менӧ лёк кериссез шогья?
Кин сувтас ме дор умӧльсӧ кериссез одзын?
17 Дӧсвидзисьыс кӧбы эз отсав меным,
сэк лолӧ чожа муніс бы муас чӧліссез дынӧ.
18 Кӧр ме висьтавлі:
«Ме верма усьны»,
сэк Тэ, Дӧсвидзисьӧ,
небыт сьӧлӧмсянь менӧ видзлін.
19 Кӧр тӧждісьӧ́ммезӧ сьӧлӧмӧс личкӧны,
сэк Тэ сьӧлӧмӧс бурмӧтан, и ме гажма.
20 Пуксясӧ разь Тэкӧт ордчӧн нія,
кӧдна озӧ веськыта судитӧ?
Нія мыччалӧны, бытьтӧ Туйдӧ́т сьӧрті бӧрйисьӧны,
а асьныс отирлӧ пессьӧ́м-мырсьӧ́м вайӧны.
21 Веськыта олісь вылӧ нія ӧтлаын уськӧтчӧны,
мортсӧ, кӧда эз кер умӧльсӧ, судитӧны,
вийны сетӧны.
22 Но менӧ Дорйисьыс ─ Дӧсвидзись,
Менам ён сайӧвтчанінӧ
*б ─ менам Енӧ.
23 Нія судитіссезлісь умӧль керӧ́ммезнысӧ
асланыс юррез вылӧ Ен вайӧтас.
Дӧсвидзись Енным нылісь ола́нсӧ
асланыс лёк керӧ́ммезӧн орӧтас.
Ошкӧ́м.
*а 93:13 шойна ─ могила
*б 93:22 сайӧвтчанін ─ крепость, прибежище
Глава 93
