Библия
Выбрать язык
Книги Ветхого Завета
Книги Нового Завета
с русским текстом
ПСАЛТЫР
97 Псалом
[Давидлӧн] псалом.1 Сьылӧ Дӧсвидзисьлӧ виль сьыланкы́в!
Сія керис адззы́влытӧммесӧ
*а.
Сылӧн веськыт киыс да вежа выныс
вайисӧ Сылӧ вермӧ́мсӧ
*б.
2 Дӧсвидзись мыччаліс:
Сія миян Мездісьным.
Отиррезлӧ осьтіс:
Сія веськыта Олісь.
3 Сія эз вунӧт [Яковсянь чу́жӧм отир дынӧ]
лоны небыт сьӧлӧмаӧн,
Израиль отирлӧ ─ надейнӧй Отсалісьӧн.
Му пасьта оліссез казялісӧ:
миянӧс мездіс миян Енным.
4 Му вылын оліссез быдӧнныт,
горӧн ошкӧ Дӧсвидзисьсӧ!
Сьылӧ Сылӧ,
сьылӧтӧ Сійӧ гажӧтчӧмӧн!
5 Сьылӧ Дӧсвидзисьлӧ сиа орса́н вылын орсӧмӧн,
сьылӧ сьыланкы́ввез гусли вылын орсӧмӧн!
6 Букса́нӧ да сюрӧ пӧльтӧ,
ошкӧ Дӧсвидзисьсӧ, миянлісь Ӧксусӧ!
7 Саридзыс ванырресӧ горӧн ась лэбтӧ,
сэтӧн быдӧс оліссес ась гажӧтчӧны!
Ола́н муыс да сэтӧн быдӧс оліссес
горӧн ась гажӧтчӧны!
8-9 Юэз, гажӧн шовгӧ-больгӧ!
Керӧссэз, Дӧсвидзись одзын ныкӧт гажӧтчӧ!
Сія локтӧ судитны мусӧ.
Сія пондас судитны ола́н мусӧ веськыта,
быдӧс отирсӧ ─ асланыс олӧ́м-керӧ́м сьӧрті.
*а 97:1 адззы́влытӧм ─ чудо
*б 97:1 вермӧ́м ─ победа
Глава 97
