Библия
Выбрать язык
Книги Ветхого Завета
Книги Нового Завета
с русским текстом
ПСАЛТЫР
99 Псалом
[Давидлӧн] ошка́н псалом.1 Му вылын оліссез быдӧнныт,
горӧн ошкӧ Дӧсвидзисьсӧ!
2 Дӧсвидзисьлӧ гажӧн кысъялӧ,
Сы одзӧ гажӧтчӧмӧн локтӧ!
3 Тӧдӧ, Дӧсвидзисьыс ─ Ен.
Сія миянӧс аркмӧтіс, и мийӧ Сылӧн.
Мийӧ ─ Сылӧн отир, Сы йӧрись баляэз.
4 Сылӧн ыбӧссэзӧ пырӧ Сійӧ сьылӧтӧмӧн,
Сылӧн йӧррезӧ ─ Сійӧ ошкӧмӧн.
Буркы́втӧ Сійӧ, ошкӧ Сылісь нимсӧ.
5 Дӧсвидзисьыс ─ бур!
Сія пыр небыт сьӧлӧма.
Сылӧн быльыс айезсянь челядьлӧ вуджӧ.
Глава 99
