Библия
Выбрать язык
Книги Ветхого Завета
Книги Нового Завета
с русским текстом
ВЕЛОТАН ВИСЬТАЛОММЕЗ
Глава 10
Веськыта олісьлӧ ─ Дӧсвидзисьсянь бласлӧвитӧ́м
1 Соломонлӧн велӧта́н висьталӧ́ммез. Мывкыда зон айсӧ гажӧтӧ.
Вежӧрсӧ ӧштӧм зон мамлӧ сьӧлӧм шог вайӧ.
2 Умӧльсӧ керӧмӧн ӧктӧм пажытьыс оз вай бурсӧ,
а веськыта керӧ́мыс кулӧ́мись мездӧ.
3 Веськыта олісьлӧ Дӧсвидзись оз сет тшыгьявны,
но Ентӧг олісьлӧ коланасӧ оз сет.
4 Дышӧтчись ки гортсӧ куштӧ,
а бура уджалісь ─ уна пажыть ӧктӧ.
5 Гожумӧн воӧ́мсӧ ӧктісь ─ мывкыда морт,
вунда́н кадӧ узись ─ ассис рожасӧ кулись.
6 Веськыта олісьлӧн юр вылӧ локтӧ бласлӧвитӧ́м.
Лёк керисьлӧн кыввезын ─ лёка дзескӧтлӧ́м.
7 Веськыта олісьлісь нимсӧ бурӧн касьтыласӧ,
а Ентӧг олісьлісь нимсӧ вунӧтасӧ.
8 Мывкыда морт туйдӧтӧ́мсӧ кывзӧ,
а мывкыдтӧм морт баитӧ́мнас асьсӧ кыйӧ.
9 Сӧстӧма олісь повтӧг ветлӧтӧ.
А кин туйесӧ чуклялӧ,
сія ассис умӧль керӧ́мсӧ оз вермы сайӧвтны.
10 Кин кваркышалӧ синнэзнас, сія тӧждісьӧ́м вайӧ.
Мывкыдтӧм морт баитӧ́мнас асьсӧ кыйӧ.
11 Веськыта олісьлӧн кыввес вайӧны ола́н,
а лёк керисьлӧн кыввезын ─ лёка дзескӧтлӧ́м.
12 Лӧгыс отирсӧ видчӧ́мӧдз вайӧтӧ,
радейтӧ́мыс проститӧ быд умӧль керӧ́м.
13 Вежӧра мортлӧн ӧмись мывкыда кыввез петӧны,
а ылӧстӧм мортлӧн вывты́рлӧ дӧнзяс шать.
14 Мывкыда морт унажык бы тӧдӧ,
а мывкыдтӧмлӧн баитӧ́мыс кулӧ́м сибӧтӧ.
15 Бура олісьлӧ пажытьыс
кыдз ён из йӧрӧн
*а кытшӧвтӧм кар.
Умӧля олісьлӧн
*б нем абу,
и сылӧн керкуыс разьсяс.
16 Веськыта олісьлӧн керӧ́мыс ола́н козьналӧ,
Ентӧг олісьлӧн керӧ́мыс мыжйӧ́м вайӧ.
17 Кин кывзӧ велӧтӧ́мсӧ,
сылӧн лоас кузь да бур ола́н.
Кин оз кывзы ӧлӧ́мсӧ, сія ӧшӧ.
18 Кин лӧгалӧ́мсӧ оз мыччав,
сія бӧбӧтчӧ.
Кин мӧдік йылісь вӧвлытӧмсӧ баитӧ,
сія вежӧрсӧ ӧштӧм.
19 Уна баитӧ́мсянь он и казяв, кыдз умӧляс пыран.
Мывкыда морт ассис ӧмсӧ уна баитӧ́мись видзӧ.
20 Веськыта олісьлӧн кылыс ─ весӧтӧм эзы́сь
*в,
Ентӧг олісьлӧн вежӧрыс абутӧм туйӧ.
21 Веськыта олісь унаӧс туйдӧтӧ,
а ылӧстӧммез етша вежӧрныс кузя кулӧны.
22 Дӧсвидзисьлӧн бласлӧвитӧ́мыс уна бурсӧ сетӧ
и тӧждісьӧ́мсӧ оз вай.
23 Вежӧрттӧм мортлӧ лёк керӧ́мыс орсӧ́м туйӧ,
а вежӧра мортсӧ мывкыда керӧ́мыс гажӧтӧ.
24 Ентӧг оліськӧт лоӧ сія, мыйись сія полӧ,
веськыта олісьлӧ лоӧ сія, мый сылӧ колӧ.
25 Вына тӧв мунӧ, и Ентӧг олісь абу ни,
а веськыта олісь пыр пондас чорыта сулавны.
26 Кысйӧтісьлӧ
*г дыш мортыс ─
кыдз пиннезлӧ йӧрмӧ́м да синнэзлӧ тшын.
27 Дӧсвидзисись полӧ́м нюжӧтӧ ола́н,
а Ентӧг олісьлӧн ола́н луннэс чинасӧ.
28 Веськыта олісьлӧн видзчисьӧ́мыс вайӧтӧ гажӧ,
а Ентӧг олісьлӧн надеяыс ӧшӧ.
29 Сӧстӧма олісьлӧ Дӧсвидзисьлӧн туйыс ─ сайӧвтча́н
*д,
умӧльсӧ керисьлӧ ─ ола́н ӧшта́н.
30 Веськыта олісь пыр пондас чорыта сулавны,
а Ентӧг олісь му вылас етша олӧ.
31 Веськыта олісь мывкыда кыввезӧн баитӧ,
умӧльсӧ баитісьлісь ӧмсӧ тупкасӧ.
32 Веськыта олісьлӧн кыввес сьӧлӧм бурмӧтӧны,
Ентӧг олісьлӧн ӧмсис сэрпӧсь кыввез петӧны.
*а 10:15 из йӧр ─ каменная стена
*б 10:15 умӧля олісь ─ бедный
*в 10:20 эзы́сь ─ серебро
*г 10:26 кысйӧтісь ─ посылающий, дающий поручение
*д 10:29 сайӧвтча́н ─ щит
Глава 10
