Библия на финно-угорских языках

•   
• Главная
• Библия
• Bible Stories
• Аудио
• Загрузки
• Контакты

Библия

Выбрать язык vienankarjalakšilivviksevepsän kelelмокшексэрзякскоми кыв вылынкоми-пермяцкöй кыв вылынмарлакырык марлаудмурт кылынмāньси лāтӈылханты ясаӈан

Книги Ветхого Завета Выбрать книгупро «Библия»СодержаниеСловарьПсалтирьПритчиЕкклесиаст

Книги Нового Завета про «Бур Юӧр»СодержаниесловариОт МатфеяОт МаркаОт ЛукиОт ИоаннаДеянияИакова1-e Петра2-e Петра1-e Иоанна2-e Иоанна3-e ИоаннаИудаК Римлянам1-е Коринфянам2-е КоринфянамК ГалатамК ЕфесянамК ФилиппийцамК Колоссянам1-е Фессалоникийцам2-е Фессалоникийцам1-е Тимофею2-е ТимофеюК ТитуК ФилимонуК ЕвреямОткровение

ВЕЖА АПОСТОЛ ПАВЕЛЛӦН ФЕССАЛОНИКАЫН ОЛІССЕЗЛӦ МЕДОДЗЗА ГИЖӦТ

Глава 1

Гижны пондӧтӧм

1Мийӧ ─ Павел, Силуан да Тимофей ─ гижамӧ Фессалоникаӧ Ен Айлӧн да Дӧсвидзись Кристос Исуслӧн вичкулӧ*а. Бурсетӧм*б да лӧнь олан тіянлӧ Ен Айнымсянь да Дӧсвидзись Кристос Исуссянь!

Фессалоникаын оліссез понда Енсӧ буркывтӧм*в

2Мийӧ кеймиканым пыр касьтывлам тіянӧс, буркывтам Енсӧ тіян понда.3Ен Айным одзын мийӧ пыр касьтывлам тіянлісь веритӧмсянь керӧмнытӧ, радейтӧмсянь уджалӧмнытӧ да мыла*г быртӧг миян Дӧсвидзись Кристос Исус вылӧ надейтчӧмнытӧ.4Воннэзӧ, мийӧ тӧдам, Еныс тіянӧс радейтӧ. Сія тіянӧс бӧрйис.5Тіян дынын миян Бур Юӧрсӧ висьтасьӧмным эз вӧв дзир ӧтік кыввезӧн. Мийӧ висьтасим ёна веритӧмӧн да Вежа Лов вынӧн. Тійӧ эд асьныт тӧдат, кытшӧмӧсь мийӧ вӧлімӧ тіянлӧ отсасьӧмным коста да тіянкӧт овтӧн.6Уна шогсьӧм-мырсьӧм коста тійӧ гажӧн босьтіт Енлісь Кывсӧ. Сія гажыс Вежа Ловсянь. Сысянь тійӧ пондіт керны миян моз да Дӧсвидзисьыс моз.7Сідз тійӧ лоит отирӧн, кӧда вылӧ Македонияись да Акаияись быдӧс веритіссес видзӧтӧны.8Тіян дынсянь эд Дӧсвидзисьлӧн Кылыс паськаліс Македонияӧттяс да Акаияӧттяс. Да и быдлаын пондісӧ тӧдны Енлӧ веритӧмныт йылісь. Сійӧн миянлӧ мӧдіккезлаын нем оз ков висьтасьны тіян йылісь.9Нія эд асьныс висьтасьӧны миянлӧ, кыдз тійӧ миянӧс панталіт да ас керӧм еннэз дынісь бергӧтчит ловья да былись Енлань, медбы Сылӧ кысъявны*д.10Тійӧ пондіт видзчисьны енӧжсянь Енлісь Исус Зонсӧ, Кӧдӧ Сія ловзьӧтіс кулӧмись. Исусыс эд миянӧс мездӧ локтан лӧгсис.

*а 1.1 вичку ─ церковь, община верующих

*б 1.1 бурсетӧм ─ благодать

*в 1.2 буркывтны ─ благодарить

*г 1.3 мыла ─ терпение

*д 1.9 кысъявны ─ служить

 Глава 1