Выбрать язык
Книги Ветхого Завета
Книги Нового Завета
с русским текстом1Мийӧ, Павел, Силуан да Тимофей, гижамӧ Фессалоникаӧ Ен Айнымлӧн да Дӧсвидзись Кристос Исуслӧн вичкулӧ*а.2Бурсетӧм*б да лӧнь олан тіянлӧ Ен Айнымсянь да Дӧсвидзись Кристос Исуссянь!
3Воннэзӧ, миянлӧ дугдывтӧг колӧ буркывтны*в Енсӧ тіян понда. Тіян веритӧмныт эд содӧ, ӧтамӧднытӧ радейтӧмныт быдӧннытлӧн вынсялӧ.4Сійӧн мийӧ Енлӧн вичкуэзын и ошшасям тіянӧн. Висьтасям веритӧмныт йылісь да ыджыт мылаӧн*г видзсьӧмныт йылісь вашӧтлӧммез да пессьӧм-мырсьӧммез*д коста.5Еныс шуас тіянӧс туяна*е отирӧн пырны Аслас Юраланінӧ. Ӧні тійӧ сы понда и пессят-мырсят. Эта быдӧс висьталӧ Енлӧн веськыта судитӧм йылісь.
6Еныс веськыта*ж керӧ: тіянӧс дзескӧтліссезлӧ Сія вештісяс дзескӧтӧмӧн.7А тіянлӧ да миянлӧ, ӧні пессись-мырсиссеслӧ, Еныс сетас шоччӧтсӧ. Сія лоас, кӧр Дӧсвидзись Исусыс Аслас вына ангеллэзкӧт локтас енӧжсянь.8Сія локтас ыпьялан биын да вештісяс Енсӧ тӧдтӧм отирлӧ, кӧдна эзӧ пондӧ кывзыны миян Дӧсвидзись Кристос Исуслісь Бур Юӧрсӧ.9Нійӧ мыжьясӧ, пырся кулӧмас иньдасӧ. Нія лоасӧ пыр кежӧ янсӧтӧмӧсь Дӧсвидзись дынісь да Сылӧн югьялан вынісь.10Эта лоас Дӧсвидзисьлӧн локтан Лунӧ. Сэк Сылӧн быдӧс вежа отирыс пондасӧ ошкыны Сійӧ. Веритіссес быдӧнныс пондасӧ дивуйтчыны Сы одзын. И тійӧ лоат ны коласын, тійӧ эд веритіт миян висьтасьӧмӧ.
11Сійӧн мийӧ и пыр кеймам тіян понда, медбы Еныс шуис тіянӧс туянаэзӧн лоны Аслас корӧм отиркӧт. Сія Аслас вынӧн ась вынсьӧтӧ тіянӧс, медбы вӧліт лӧсьӧтчӧмӧсь керны бурсӧ. Сія Ачыс ась отсалӧ тіянлӧ ештӧтны сійӧ уджсӧ, кӧда мыччалӧ тіянлісь веритӧмнытӧ.12Сэк тіян пыр локтас ошкӧмыс миян Дӧсвидзись Кристос Исус нимлӧ, а тіянлӧ ─ Сы пыр, миян Енлӧн да Дӧсвидзись Кристос Исуслӧн бурсетӧмсянь.
*а 1.1 вичку ─ церковь, община верующих
*б 1.2 бурсетӧм ─ благодать
*в 1.3 буркывтны ─ благодарить
*г 1.4 мыла ─ терпение
*д 1.4 пессьӧм-мырсьӧм ─ страдание
*е 1.5 туяна ─ достойный
*ж 1.6 веськыта ─ справедливо
Глава 1