Выбрать язык
Книги Ветхого Завета
Книги Нового Завета
с русским текстомАвраам ─ Израиль отирлӧн ай. Еныс сылӧ кӧсйӧм вöлi, сысянь пӧ чужас ыджыт да вына отир. Сiя отирсянь бласлӧвитӧмыс вуджас быд отирпӧлӧслӧ.
аллилуйя ─ еврей кыв вылын ошкан кыв, миян кыв вылын сія лоӧ «Ошкӧ Дӧсвидзисьсӧ!»
аминь ─ кылыс аркмӧм еврей кылісь амэн, сія лоӧ «сідз и эм, былись».
ангел ─ аркмӧм грек кылісь ангелос, кӧда лоӧ «юӧр вайись». Ангеллэс ─ енӧжын вежа оліссез, кӧдна кысъялӧны Енлӧ.
апостол ─ кылыс аркмӧм грек кылісь апостолос, сія лоӧ «ыстӧмморт».
аркирей ─ иудейезлӧн вежауджаліссез вылын юралісь. Аркирейыс вӧлі юралісьӧн и иудейезлӧн судитан чукӧрын. Дзир сія ӧтнас вермис пырны Вежа керкуын Вежася-вежаинӧ. Аркирейнас сiйö шуисö кувтӧдззас.
Важ Йитӧт ─ Ветхий Завет; Ен да Израиль отир коласын керӧм йитӧт. Сія йитöтыс вӧлі керӧм Синай керӧсын. Сэк Еныс сетіс Израиль отирлӧ дас тшӧктӧм. Эта йитӧтöн Еныс мыччаліс Израиль отирыслӧ Ассис небыт сьӧлӧмсӧ да радейтӧмсӧ.
Вежа Гижӧт ─ иудейезлӧн вежа гижӧттэз, Кристос чужтӧдз гижӧм небӧггез. Этна гижӧттэзö пырӧны:
1) «Туйдӧт»: сiдз шуöны Моисейлiсь вит небӧг,
2) «Енсянь юöртiссезлöн гижӧттэз»: сэтчӧ пырӧны и кынымкӧ историческӧй небӧг,
3) «мöдiк Гижӧттэз»: сэтчӧ пырӧны Псаломмез, Велöтан висьталӧммез да мӧдік небӧггез.
вежауджалісь ─ Вежа керкуын уджалiсь, Енлö кысъялісь морт. Вежауджаліссезӧн вермисӧ лоны дзир Аарон увтырись отир. Сiдз вöлi гижöм Моисейлӧн Туйдӧтас.
Витдаслун вежалун ─ иудейезлӧн вежалун, кӧдӧ чулӧтісӧ Ыджыт Лунсянь витдасӧт лунӧ.
Виль Йитӧт ─ Новый Завет; Кристос Исус Вирöн Еныс керис му вылісь отиркӧт Виль Йитӧт. Сія Йитӧтӧн Еныс бурасис быдӧнныс кӧт. Сійӧн Еныс дынö вермӧ локны быд морт.
вичку ─ церковь, община верующих
вон ─ Кристослӧ веритісь отир ӧта-мӧднысӧ шуӧны сойезӧн давоннэзӧн.
вундыштыштӧм ─ обрезание, обряд обрезания; Еныс тшӧктöм Авраамсӧ вундыштыштны асьсö да сысянь чужӧммесö. Вундыш тыштöмыс вӧлі пасöн, кӧда висьталö Авраам да Ен коласын керöм йитӧт йылісь. Израиль отирыс вундыштыштлісӧ зоннэзнысӧ чужӧмныс бӧрын кыкьямысӧт лунӧ.
Галилея ты ─ Галилея муын ыджыт ты. Тыыслӧн эмöсь и мӧдік ниммез: Генисарет ты, Тивериада ты.
Давид ─ Израиль отирлӧн ӧксу, кӧда чужӧм Вифлеем карын. Сія юралӧм Израиль отир вылын Кристос Исус чужтӧдз дасӧт векын. Сiя гижӧм уна псалом.
Давидлӧн Зон ─ иудейез видзчисисӧ Мездӧтісьсӧ, Кӧда Енсянь юöртiссезлöн висьталöм сьӧрті локтас Давид ӧксу увтырись. Сі йӧн Мездӧтісьсӧ иудейес шуисӧ Давид Зонӧн.
дзебсянін ─ гробница, могила; Иудейес дзеблiсӧ кулӧммезснысӧ изкерӧс гырккезын да и натодиль керавлiсö сэтшöм дзебсянiннэсö.Пыранінсӧ тупкавлісӧ ыджыт изӧн.
Енлӧн Дзель ─ сідз шуӧны Кристос Исуссӧ. Сы шогмöмöдз вöлi Важ Йитӧтлöн кад. Сэк иудейес начкывлісӧ дзельӧс да вайлісӧ сійӧ Енлӧ езъялан козинӧн асланыс умӧль керӧммез понда. А Виль Йитӧт кадӧ Ачыс Кристосыс лоис езъялан козинӧн, Сія эд куліс отирлӧн умӧль керӧммез понда.
Илля ─ Енсянь юӧртісь, овлӧм Кристос чужтӧдз ӧкмысӧт векын. Илляыс ӧлӧм иудейезсӧ да нылiсь ӧксусӧ, медбы нiя эзö юрбитӧ ас керӧм еннэзлӧ. Сійӧн сійӧ мӧдӧмась вийны. Иллясӧ Еныс лов йӧн босьтöм енӧжас. Иудей отир видзчисисӧ сылісь бӧр локтӧмсӧ.
Исус ─ нимыс аркмӧм Ешуа еврей нимись, сія лоӧ «Дӧсвидзисьным мездӧтӧ».
Йитӧтӧн Коробья ─ ковчег завета; Важ Ийтӧт коста эта коробьяын видзисӧ изпӧввез, кӧдна вылын вӧлісӧ гижӧмӧсь Енлісь дас тшӧктӧм. Сэтӧн видзисӧ и Ааронлісь дзоридзасьӧм бедь да маннаӧн зарни доз. (Евр. 9:4)
карись петтöн коккезiсь пыркöтны бус ─ веськыта олiсь иудейес коккезсиныс пыркöтлiсö буссö, кöр вовлiсö мöдiк муись, жыв нiя мöдiк отирсянь сэрпöсьмисö. Кöр нiя пыркöтлiсö буссö асланыс отирлö, сэк нiйö пуктывлiсö öтвесьтö мöдiк отиркöт, кöднö шуисö сэрпöссезöн.
крест вылӧ дорӧм ─ сідз Римись отир вийлісӧ кывзiсьтӧм раббезöс да юраліссез вылӧ лэбтісьöм отирöс. Мортыс ӧшаліс крест вылас мучитчöмöн кувтöдззас, нельки кынымкö лун.
Кристос ─ Мессия еврей кылісь грек кыв вылӧ вуджӧтӧм кыв, сія лоӧ «Енлӧн Мавтӧм».
кӧслуналӧм ─ ютӧг да сёйтӧг кеймӧмӧн олӧм.
левит ─ Левий увтырись вежауджалісьлӧн отсасись. Левийыс вӧлі Яковлӧн зон.
мавтӧм ─ морт вылӧ чӧскыт руа ви кисьтӧм. Мортсӧ мавтлісӧ Израиль отирлӧ ӧксуӧн сувтöтöм коста, вежауджалісьӧн да Енсянь юӧртісьӧн сувтӧтӧм коста, кулӧм мортӧс дзебӧм коста да шогалісь мортлӧ веськалӧм понда кеймӧм коста.
манна ─ Израиль отирлӧ кушмуын енӧжсянь усьӧм сёян, кӧда кöрнас вӧлі ма кодь. Маннаӧн Еныс вердіс Израиль отирсӧ кушмуын 40 во сьöрна ветлӧтöмныс коста.
Моисей ─ ыджыт Енсянь юӧртісь, Израиль отирсӧ Египет муись петкӧтісь. Сы пыр Еныс сетіс Израиль отирлӧ Туйдӧт.
Морт Зон ─ сiдз шуöм Енсянь юӧртісь Даниил аслас гижöтын Мездӧтісьсö. Сідз Исусыс шуис Асьсӧ.
проказа ─ лепра; сьӧкыт шогӧт, кӧда шогалiсь мортсянь вуджö мöдiккез вылö. Моисейлӧн Туйдӧт сьӧрті проказаӧн шогалісьсӧ эзӧ лэдзӧ овны отир коласын да лоны отир дынӧ матын. Шогалісьлӧн сісьмыліс кучикыс, нельки киэзісь да коккезісь усьлісӧ чуннез.
садукейез ─ иудейезлӧн чукöр, кӧдна лыдӧ пырис уна вежауджа лісь. Нія бура тӧдісӧ Туйдӧтсӧ, олiсö сы сьӧрті. Нія эзö веритӧ пырся оланӧ, ангеллэзӧ да кулӧмісь ловзьӧмӧ, эзӧ видзчисьӧ Крис тос-Мездӧтісьлісь локтӧмсӧ.
Самария ─ Галилея да Иудея коласын му. Сідз жӧ шуисӧ и Самария мулісь столицасӧ. Самарияись отир ─ иудейезісь да мӧдік отирись петӧм йӧз. Иудейеслӧ нія син вылӧ эзӧ колӧ. Иудейес нiйö шуисö Ентӧг оліссезöн да сэрпöссезöн.
синагога ─ иудейезлӧн кейман керку
скиния ─ палатка, кӧда Израиль отирлӧ вӧлі вежаинӧн кушмуын ветлӧтöм коста (Евр. 9:2-6)
смирна ─ пуись вийӧтӧм дона ви
судитан чукӧр ─ синедрион; судитан чукӧрас пырисö иудейезлӧн вежауджаліссез, Туйдӧтӧ велӧтіссез да бӧрйӧм пӧриссез. Судитан чукӧрын юралісьнас вӧлі аркирей. Эта чукӧрыс судитліс иудейе сӧ, сетліс тшӧктӧммез вот вештiсьӧмись да мӧдік коланаыс йы лісь. Судитан чукӧрыс вермис баитны Римись веськӧтліссезкӧт иудей отирлӧн моггез йылісь.
Туйдӧт ─ Божий Закон, Закон Моисея; Израиль отирлӧ Моисей пыр Енсянь сетӧм тшӧктӧммез.
фарисейез ─ иудейез, кӧдна ӧддьӧн бура тӧдісӧ Моисейлісь Туйдӧтсӧ. Фарисейес чорыта видзсисӧ Туйдӧтыс бердӧ да Туйдӧтас содтӧм уна тшӧктӧм бердӧ. Нія и мӧдік иудейезӧс велӧтісӧ овны ны моз.
”Шалаш лэбтан” вежалун ─ иудейезлӧн ыджыт гажӧдчан кад. Этӧ вежалунсӧ чулӧтлісӧ сизим лун. Вежалун коста буркывтісӧ Енсӧ виль нянь воӧм понда да кушмуын ветлӧтӧм коста Енлӧн отсасьӧм понда.
шӧмтӧм нянь сёян луннэз ─ Ыджыт Лун коста да сы бӧрын сизим лун сьöрна иудейес сёйӧны шӧмтӧм нянь.
шоччисян лун ─ иудейеслöн шоччисян луныс лыддиссьö пятница рытсянь суббота рытӧдз. Нылö эта лунӧ эз позь уджавны. Сэк нія шоччисисӧ да кеймисӧ Енлӧ. Туйдӧтӧ велӧтіссес ӧддьӧн чорыта тшӧктісӧ видзсьыны шоччисян лун йылісь тшӧктӧммез бердӧ.
Ыджыт Лун ─ иудейезлӧн вежалун. Медодззаись Ыджыт Лунсӧ иудей отир чулӧтіс Ен тшӧктӧм сьӧрті Египет муись петӧм коста, кытöн нiя вöлiсö раббезöн. Ыджыт лунсö чулöтöм коста рытнас сёйлiсö начкылöм дзельöс. Сiя вежалуныс иудейеслöн эм и öнi.
Яков ─ Авраамлӧн вöлi Исак зон. Исакыслöн вöлiсö двойнишнӧй зоннэз Яков да Исав. Исакыс Яков зонсӧ бласлӧвитӧм Исавысся буржыка. А Еныс Яковыслö сетiс Израиль ним. Тшыгъялан кад коста Яковыс семьяыскӧт вуджис овны Египетӧ. Сэтчин сысянь лоис öддьöн уна отир. Сы сьӧрті иудей отирсӧ сэсся пондісӧ шуны Израиль отирӧн, а Яковсö Авраамсӧ моз Израиль отирлӧн айӧн.
словарь 2