Выбрать язык
Книги Ветхого Завета
Книги Нового Завета
без русского текстаМАРКЫН ВОЗЫМО СВЯТОЙ ЕВАНГЕЛИЙ | ЕВАНГЕЛИЕ ОТ МАРКА |
15 Глава | Глава 15 |
| 1 Эрдене эрак архиерей, калык кугурак, закон туныктышо да уло Синедрион кутырен келшаш погыненыт. Нуно Иисусым пидыныт, тушеч наҥгаеныт да Пилатын кидышкыже пуэныт. | 1Немедленно поутру первосвященники со старейшинами и книжниками и весь синедрион составили совещание и, связав Иисуса, отвели и предали Пилату. |
| 2 Пилат Иисус деч йодын: «Тый иудей-влакын Кугыжашт улат?» Иисус вашештен: «Шке тидым каласышыч». | 2Пилат спросил Его: Ты Царь Иудейский? Он же сказал ему в ответ: ты говоришь. |
| 3 Архиерей-влак Иисусым шукылан титакленыт. | 3И первосвященники обвиняли Его во многом. |
| 4 Пилат Тудын деч адак йодын: «Тый нимом от вашеште? Ужат, Тыйын ваштареш кунар титаклымаш уло». | 4Пилат же опять спросил Его: Ты ничего не отвечаешь? видишь, как много против Тебя обвинений. |
| 5 Но Иисус нимом вашештен огыл, тидыже Пилатым ӧрыктарен. | 5Но Иисус и на это ничего не отвечал, так что Пилат дивился. |
| 6 Кажне пайремлан Пилат кучен петырыме-влак кокла гыч иктыжым калык йодмо почеш эрыкыш колта улмаш. | 6На всякий же праздник отпускал он им одного узника, о котором просили. |
| 7 Тунам Варавва лӱман еҥ шке йолташыж-влак дене пырля петырымаште лийын, калык пудыранымаш годым нуно еҥым пуштыныт. | 7Тогда был в узах некто, по имени Варавва, со своими сообщниками, которые во время мятежа сделали убийство. |
| 8 Молгунамсе семынак ыштыже манын, Пилат деч калык кычкырен йодаш тӱҥалын. | 8И народ начал кричать и просить Пилата о том, что он всегда делал для них. |
| 9 Пилат вашештен каласен: «Тыланда иудей-влакын Кугыжаштым луктын колтем гын, йӧра мо?» | 9Он сказал им в ответ: хотите ли, отпущу вам Царя Иудейского? |
| 10 Тудо пален: архиерей-влак кӧранымышт дене Иисусым тудын кидышкыже пуэныт. | 10Ибо знал, что первосвященники предали Его из зависти. |
| 11 Но архиерей-влак эрыкыш Иисусым огыл, а Вараввам лукташ йодаш калыкым таратеныт. | 11Но первосвященники возбудили народ просить, чтобы отпустил им лучше Варавву. |
| 12 Пилат адак калык деч йодын: «Кӧм иудей-влакын Кугыжашт маныда, Тудын дене те мылам мом ыштыктынеда?» | 12Пилат, отвечая, опять сказал им: что же хотите, чтобы я сделал с Тем, Которого вы называете Царем Иудейским? |
| 13 «Тудым ыресеш пудален саке!» – калык тӱшка кычкырен. | 13Они опять закричали: распни Его. |
| 14 Пилат йодын: «Могай осалым Тудо ыштен?» Но калык эшеат виян кычкырен: «Тудым ыресеш пудале!» | 14Пилат сказал им: какое же зло сделал Он? Но они еще сильнее закричали: распни Его. |
| 15 Пилат, калыклан йӧраш манын, Вараввам эрыкыш колтен, а Иисусым сола дене кырыктен да ыресеш пудален сакаш пуэн. | 15Тогда Пилат, желая сделать угодное народу, отпустил им Варавву, а Иисуса, бив, предал на распятие. |
| 16 Сарзе-влак Иисусым преторийын кӧргӧ кудывечышкыже наҥгаеныт да тушко уло полкым ӱжын конденыт. | 16А воины отвели Его внутрь двора, то есть в преторию, и собрали весь полк, |
| 17 Нуно Тудлан шемалге-йошкар вургемым чиктеныт, шуанвондо дене вуйшӱдышым тодыныт да вуйышкыжо пыштеныт. | 17и одели Его в багряницу, и, сплетши терновый венец, возложили на Него; |
| 18 «Куане,*а иудей-влакын Кугыжашт!» – Тудым саламлаш тӱҥалыныт. | 18и начали приветствовать Его: радуйся, Царь Иудейский! |
| 19 Нуно Тудым вуйжо гыч тоя дене кыреныт, ӱмбакыже шӱведеныт, ончыланже сукен возын, Тудлан вуйым савеныт. | 19И били Его по голове тростью, и плевали на Него, и, становясь на колени, кланялись Ему. |
| 20 Игылтын чарнымекышт, Иисус ӱмбач шемалге-йошкар вургемым кудашыныт, шке вургемжым чиктеныт, вара пудален сакаш наҥгаеныт. | 20Когда же насмеялись над Ним, сняли с Него багряницу, одели Его в собственные одежды Его и повели Его, чтобы распять Его. |
| 21 Эртен кайыше ик еҥлан, Кириней гыч Симонлан, Александр ден Руфын ачаштлан – тудо пасу гыч пӧртылеш улмаш – Иисусын ыресшым ӧкым нумалыктеныт. | 21И заставили проходящего некоего Киринеянина Симона, отца Александрова и Руфова, идущего с поля, нести крест Его. |
| 22 Иисусым Голгофа манме верыш конденыт, тиде лӱмжӧ «саҥга вер» манмым ончыкта. | 22И привели Его на место Голгофу, что значит: Лобное место. |
| 23 Иисуслан смирна дене варыме йошкар аракам пуэныт, но Тудо йӱын огыл. | 23И давали Ему пить вино со смирною; но Он не принял. |
| 24 Иисусым ыресеш пудалыше-влак, кӧлан мом налаш шывагам кучен, шке коклаштышт вургемжым шеледеныт. | 24Распявшие Его делили одежды Его, бросая жребий, кому что взять. |
| 25 Тудым ыресеш пудален сакыме годым кумшо шагат*б лийын. | 25Был час третий, и распяли Его. |
| 26 Титакшым ончыктен возымо улмаш: «Иудей-влакын Кугыжашт». | 26И была надпись вины Его: Царь Иудейский. |
| 27 Аген коштшо кок еҥым Иисус дене пырля пудален сакеныт, иктыжым пурла могырыш, весыжым шола могырыш. | 27С Ним распяли двух разбойников, одного по правую, а другого по левую сторону Его. |
| 28 Тыге Возымаште улшо «Законым пудыртышо коклаш пуртеныт» манме шомак шукталтын. | 28И сбылось слово Писания: и к злодеям причтен. |
| 29 Эртен кайыше-влак Иисусым игылтыныт да вуйым рӱзен ойленыт: «Эй, храмым шалатен да кум кечыште чоҥен шогалтен кертше! | 29Проходящие злословили Его, кивая головами своими и говоря: э! разрушающий храм, и в три дня созидающий! |
| 30 Шкендым Шке утаре да ырес гыч воло!» | 30спаси Себя Самого и сойди со креста. |
| 31 Архиерей ден закон туныктышо-влакат шке коклаштышт игылтыныт: «Молым утарен, а Шкенжым утарен ок керт. | 31Подобно и первосвященники с книжниками, насмехаясь, говорили друг другу: других спасал, а Себя не может спасти. |
| 32 Тек тиде Христос, Израильын Кугыжаже, ынде ырес гыч вола. Тидым ужмеке, ме Тудлан ӱшанена». Иисус дене пырля пудален сакыме еҥ-влакат Тудым игылтыныт. | 32Христос, Царь Израилев, пусть сойдет теперь с креста, чтобы мы видели, и уверуем. И распятые с Ним поносили Его. |
| 33 Кудымшо шагат*в гыч индешымше шагат марте уло мланде ӱмбалне пычкемыш лийын. | 33В шестом же часу настала тьма по всей земле и продолжалась до часа девятого. |
| 34 Индешымше шагатыште Иисус виян йӱк дене кычкыралын: «Элои, Элои, ламма савахфани?» Тидыже «Юмем, Юмем, молан Мыйым кудалтен коденат?» манме лиеш.*г | 34В девятом часу возопил Иисус громким голосом: Элои! Элои! ламма савахфани? --что значит: Боже Мой! Боже Мой! для чего Ты Меня оставил? |
| 35 Тидым колмеке, тушто шогышо кокла гыч южышт ойленыт: «Теве Тудо Илиям ӱжеш». | 35Некоторые из стоявших тут, услышав, говорили: вот, Илию зовет. |
| 36 Ик еҥ куржын миен, губкым уксусеш нӧртен да тоя вуеш керын. Вара Иисуслан йӱкташ намиен да каласен: «А ынде ончалына, Илия Тудым ырес гыч волташ толеш мо?» | 36А один побежал, наполнил губку уксусом и, наложив на трость, давал Ему пить, говоря: постойте, посмотрим, придет ли Илия снять Его. |
| 37 Но Иисус чот кычкыралын, да чонжо лектын. | 37Иисус же, возгласив громко, испустил дух. |
| 38 Тунам храмысе пӱрдыш кӱшычын ӱлыкӧ кокыте кушкедлен. | 38И завеса в храме раздралась надвое, сверху донизу. |
| 39 Иисус воктене шогышо шӱдывуй Тудын тыге кычкыралын колымыжым ужын да каласен: «Тиде Айдеме чынжымак Юмын Эргыже лийын!» | 39Сотник, стоявший напротив Его, увидев, что Он, так возгласив, испустил дух, сказал: истинно Человек Сей был Сын Божий. |
| 40 Тушто ӱдырамаш-влакат лийыныт, нуно ӧрдыж гыч онченыт. Нунын коклаште Мария Магдалина, изирак Иаков ден Иосийын Мария авашт да Саломия лийыныт, | 40Были тут и женщины, которые смотрели издали: между ними была и Мария Магдалина, и Мария, мать Иакова меньшего и Иосии, и Саломия, |
| 41 Иисус Галилейыште лийме годым нуно Тудын почеш коштыныт да Тудлан служитленыт. Иерусалимыш Иисус дене пырля толшо шуко моло ӱдырамашат тыштак лийын. | 41которые и тогда, как Он был в Галилее, следовали за Ним и служили Ему, и другие многие, вместе с Ним пришедшие в Иерусалим. |
| 42 Кас лишемын. Тунам шуматкече вашеш кугарня лийын, сандене | 42И как уже настал вечер, --потому что была пятница, то есть день перед субботою, -- |
| 43 Синедрионын пагалыме еҥже, Аримафей гыч Иосиф, толын – тудо шкежат Юмын Кугыжанышым вучен –, Пилат деке пураш тоштын да Иисусын капшым йодын. | 43пришел Иосиф из Аримафеи, знаменитый член совета, который и сам ожидал Царствия Божия, осмелился войти к Пилату, и просил тела Иисусова. |
| 44 Иисус чынак колен шуктен мо манын, Пилат ӧрын. Тудо шӱдывуйым ӱжыктен да Иисус шукертак колен мо манын йодын. | 44Пилат удивился, что Он уже умер, и, призвав сотника, спросил его, давно ли умер? |
| 45 Тидым шӱдывуй деч пален налмеке, Иисусын капшым Иосифлан пуаш сӧрен. | 45И, узнав от сотника, отдал тело Иосифу. |
| 46 Иосиф йытын вынерым тӱлен налын, Иисусын капшым волтен, вынереш вӱдылын да курык саҥгаш кӱнчымӧ шӱгареш пыштен. Шӱгар аҥым кӱ дене петырен. | 46Он, купив плащаницу и сняв Его, обвил плащаницею, и положил Его во гробе, который был высечен в скале, и привалил камень к двери гроба. |
| 47 Мария Магдалина ден Иосийын Мария аваже Иисусым кушан пыштымым онченыт. | 47Мария же Магдалина и Мария Иосиева смотрели, где Его полагали. |
*а 15:18 «Куане» – грек йылмыште тидыже саламлыме мут.
*б 15:25 Кумшо шагат – мемнан жап дене эрдене кандаш шагат эртымеке.
*в 15:33 Куд шагат – мемнан жап дене тура кечывалым.
Глава 15