Выбрать язык
Книги Ветхого Завета
Книги Нового Завета
без русского текстаЛУКАН ВОЗЫМО СВЯТОЙ ЕВАНГЕЛИЙ | ЕВАНГЕЛИЕ ОТ ЛУКИ |
12 Глава | Глава 12 |
| 1 Тиде жапыштак тӱжемле еҥан тугай кугу тӱшка погынен, икте-весым шыгыремденыт. Иисус ондак Шкенжын тунемшыж-влаклан ойлаш тӱҥалын: «Фарисей-влакын руышт деч шекланыза, тидыже – нунын сайла кояш тӧчымышт. | 1Между тем, когда собрались тысячи народа, так что теснили друг друга, Он начал говорить сперва ученикам Своим: берегитесь закваски фарисейской, которая есть лицемерие. |
| 2 Нимо шылтен аралыме почылтде ок код, нимогай шолып чараш лекде ок код. | 2Нет ничего сокровенного, что не открылось бы, и тайного, чего не узнали бы. |
| 3 Мом те пычкемыште ойленда, волгыдо годым колыт. Мом кӧргӧ пӧлемыште пылышыш шып ойленда, пӧрт леведыш ӱмбач кычкыраш тӱҥалыт. | 3Посему, что вы сказали в темноте, то услышится во свете; и что говорили на ухо внутри дома, то будет провозглашено на кровлях. |
| 4 Мый тыланда, йолташем-влаклан, ойлем: кӧмыт капым пуштыт, но вара нимом ыштен огыт керт, нунын деч ида лӱд. | 4Говорю же вам, друзьям Моим: не бойтесь убивающих тело и потом не могущих ничего более сделать; |
| 5 Кӧ деч лӱдаш, Мый тыланда ончыктем: пуштмеке, тамыкыш сӱмырал шуаш кӧн кучемвийже уло, Тудын деч лӱдса. Туге, тыланда ойлем: теве кӧ деч лӱдса! | 5но скажу вам, кого бояться: бойтесь того, кто, по убиении, может ввергнуть в геенну: ей, говорю вам, того бойтесь. |
| 6 Вич пӧрткайыкым кок ассарий оксалан огыт ужале мо? А Юмо нунын кокла гыч иктыжымат монден огыл. | 6Не пять ли малых птиц продаются за два ассария? и ни одна из них не забыта у Бога. |
| 7 А тендан вуйысо ӱп пырчыдамат чыла шотлымо. Ида лӱд! Те чыла пӧрткайык деч шергырак улыда! | 7А у вас и волосы на голове все сочтены. Итак не бойтесь: вы дороже многих малых птиц. |
| 8 Мый тыланда ойлем: кӧ еҥ-влак ончылно Мыйым палымыж нерген почын ойла, Айдеме Эргат Юмын Суксыж-влак ончылно тудым палымыж нерген почын ойла. | 8Сказываю же вам: всякого, кто исповедает Меня пред человеками, и Сын Человеческий исповедает пред Ангелами Божиими; |
| 9 А кӧ еҥ ончылно Мый дечем кораҥеш, тудат Юмын Суксыж-влак ончылно кораҥдыме лиеш. | 9а кто отвергнется Меня пред человеками, тот отвержен будет пред Ангелами Божиими. |
| 10 Кӧ Айдеме Эрге ваштареш мутым каласа, тудлан тиде касаралтеш, но Святой Шӱлышым мыскылен ойлышылан ок касаралт. | 10И всякому, кто скажет слово на Сына Человеческого, прощено будет; а кто скажет хулу на Святаго Духа, тому не простится. |
| 11 Кунам тендам синагоглашке кондат, вуйлатыше да кучемвий улшан-влак деке намият, кузе аралалташ да мом ойлаш манын ида тургыжлане. | 11Когда же приведут вас в синагоги, к начальствам и властям, не заботьтесь, как или что отвечать, или что говорить, |
| 12 Мом ойлаш кӱлеш, Святой Шӱлыш тендам тудо шагатыште туныкта». | 12ибо Святый Дух научит вас в тот час, что должно говорить. |
| 13 Калык тӱшка гыч ик еҥ Иисуслан ойлен: «Туныктышо, мыйын изамлан югыпогым мый денем пайлаш каласе». | 13Некто из народа сказал Ему: Учитель! скажи брату моему, чтобы он разделил со мною наследство. |
| 14 Тудлан Иисус вашештен: «Айдеме, кӧ Мыйым тендан судьяда лияш але погыдам пайлаш шогалтен?» | 14Он же сказал человеку тому: кто поставил Меня судить или делить вас? |
| 15 Вара Тудо чылалан ойлен: «Ончыза, опкынланымаш деч шекланыза. Айдемын поянлыкше моткоч шуко гынат, погыжо тудлан илышым ок пу». | 15При этом сказал им: смотрите, берегитесь любостяжания, ибо жизнь человека не зависит от изобилия его имения. |
| 16 Иисус нунылан туштен каласен: «Ик поян еҥын пасужо сай лектышым пуэн | 16И сказал им притчу: у одного богатого человека был хороший урожай в поле; |
| 17 да тудо шке семынже шонкален: ”Мом мылам ышташ? Чыла поген налме лектышым нигушто аралаш”. | 17и он рассуждал сам с собою: что мне делать? некуда мне собрать плодов моих? |
| 18 Вара каласен: ”Теве мом ыштем: клат-влакем рончем да кугурак-влакым чоҥем. Тушко уло киндем, погем чумырем | 18И сказал: вот что сделаю: сломаю житницы мои и построю большие, и соберу туда весь хлеб мой и всё добро мое, |
| 19 да шкаланем каласем: ’Чонем, тыйын шуко ийлан ситыше кугу погет уло. Кане, коч, йӱ, куанен иле’”. | 19и скажу душе моей: душа! много добра лежит у тебя на многие годы: покойся, ешь, пей, веселись. |
| 20 Но Юмо тудлан каласен: ”Ушдымо! Тиде йӱдымак чонетым тый дечет налыт. Тыйын ямдылымет кӧлан кодеш?” | 20Но Бог сказал ему: безумный! в сию ночь душу твою возьмут у тебя; кому же достанется то, что ты заготовил? |
| 21 Кӧ шкаланже поянлыкым пога, а Юмын ончылно поян огыл, тудын дене тыге лиеш». | 21Так бывает с тем, кто собирает сокровища для себя, а не в Бога богатеет. |
| 22 А тунемшыж-влаклан Иисус каласен: «Сандене Мый тыланда ойлем: мом кочкаш манын, чонда верч ида азаплане, мом чияш манын, капда верч ида тургыжлане. | 22И сказал ученикам Своим: посему говорю вам, --не заботьтесь для души вашей, что вам есть, ни для тела, во что одеться: |
| 23 Чон кочкыш деч да кап вургем деч шергырак. | 23душа больше пищи, и тело--одежды. |
| 24 Кайык-влакым шекланыза: нуно огыт ӱдӧ, огыт тӱред, нунын клатыштат, амбарыштат уке, а Юмо нуным пукша. А те кайык деч кунаре шергырак улыда! | 24Посмотрите на воронов: они не сеют, не жнут; нет у них ни хранилищ, ни житниц, и Бог питает их; сколько же вы лучше птиц? |
| 25 Тендан кокла гыч кӧ тургыжланыме дене шке кап кугытшым*а кеч кынергут наре кужемден кертеш? | 25Да и кто из вас, заботясь, может прибавить себе роста хотя на один локоть? |
| 26 А те тыгай изимат ыштен огыда керт гын, молыж нерген мом тургыжланеда? | 26Итак, если и малейшего сделать не можете, что заботитесь о прочем? |
| 27 Кузе лилий пеледыш-влак кушкыт, шекланыза: нуно пашам огыт ыште, огыт шӱдырӧ. Но тыланда ойлем: Соломонат, поянлыкше дене чапланен гынат, нунын кокла гыч иктыж гаят чиен огыл. | 27Посмотрите на лилии, как они растут: не трудятся, не прядут; но говорю вам, что и Соломон во всей славе своей не одевался так, как всякая из них. |
| 28 Таче пасушто кушшо, а эрла коҥгаш шуышаш шудым Юмо тыге чикта гын, тендамат, шагал ӱшаныше-влакым, ок чикте мо? | 28Если же траву на поле, которая сегодня есть, а завтра будет брошена в печь, Бог так одевает, то кольми паче вас, маловеры! |
| 29 Мом кочкаш, мом йӱаш ида кычал да тидын нерген ида тургыжлане. | 29Итак, не ищите, что вам есть, или что пить, и не беспокойтесь, |
| 30 Тиде тӱнясе калык-влак чыла тидым кычалыт, а тендан Ачада тыланда тиде кӱлмым пала. | 30потому что всего этого ищут люди мира сего; ваш же Отец знает, что вы имеете нужду в том; |
| 31 Эн ончыч те Юмын Кугыжанышым кычалза, тунам чыла тиде тыланда пырля пуалтеш. | 31наипаче ищите Царствия Божия, и это всё приложится вам. |
| 32 Изи кӱтӱ, ит лӱд! Ачада тыланда Кугыжанышым пуаш сайлан шотлен. | 32Не бойся, малое стадо! ибо Отец ваш благоволил дать вам Царство. |
| 33 Погыдам ужалыза да оксажым йорло-влаклан пуыза, тӱганен кертдыме оксагалтам шкаланда ыштыза, пытыдыме пылпомышысо поянлыкым погыза, тушко вор ок лишем, тушто когарш ок локтыл. | 33Продавайте имения ваши и давайте милостыню. Приготовляйте себе влагалища не ветшающие, сокровище неоскудевающее на небесах, куда вор не приближается и где моль не съедает, |
| 34 Кушто тендан поянлыкда, туштак шӱмдат лиеш. | 34ибо где сокровище ваше, там и сердце ваше будет. |
| 35 Тек ӱштыда эре ӱшталме да лампыда чӱктымӧ лиеш, | 35Да будут чресла ваши препоясаны и светильники горящи. |
| 36 шкеныштын озаштым сӱан пайрем гыч вучышо еҥ-влак гай лийза. Кунам толеш да пералта, нуно тунамак тудлан почаш ямде улыт. | 36И вы будьте подобны людям, ожидающим возвращения господина своего с брака, дабы, когда придёт и постучит, тотчас отворить ему. |
| 37 Оза пӧртылмыж годым тарзыж-влакым малыде вучышым ужеш гын, пиалан улыт. Тыланда чынак ойлем, тудо шке ӱштыжым ӱшталеш, тарзыж-влакым ӱстелтӧрыш шында да нуным ончаш тӱҥалеш. | 37Блаженны рабы те, которых господин, придя, найдёт бодрствующими; истинно говорю вам, он препояшется и посадит их, и, подходя, станет служить им. |
| 38 Тудо йӱдым, кокымшо але кумшо орол годым, толеш гынат, тарзыж-влакын тыге ыштымыштым ужеш гын, нуно пиалан улыт. | 38И если придет во вторую стражу, и в третью стражу придет, и найдет их так, то блаженны рабы те. |
| 39 Пален лийза, вор мыняр шагатлан толшашым пӧрт оза пала ыле гын, ок мале да пӧртышкыжӧ кӱнчен пураш ок пу ыле. | 39Вы знаете, что если бы ведал хозяин дома, в который час придет вор, то бодрствовал бы и не допустил бы подкопать дом свой. |
| 40 Теат ямде лийза: могай шагатыште те огыда вучо, тунам Айдеме Эрге толеш». | 40Будьте же и вы готовы, ибо, в который час не думаете, приидет Сын Человеческий. |
| 41 «Господь, тиде туштен каласымашым мыланна ойлет але чылалан?» – Петр Тудын деч йодын. | 41Тогда сказал Ему Петр: Господи! к нам ли притчу сию говоришь, или и ко всем? |
| 42 Господь вашештен: «Кӧ моло тарзым вуйлаташ да нунылан шке жапыштыже киндым висен шеледаш озан шогалтыме ӱшанле да ушан озанлык вуйлатыше? | 42Господь же сказал: кто верный и благоразумный домоправитель, которого господин поставил над слугами своими раздавать им в своё время меру хлеба? |
| 43 Толмекыже, тиде тарзын кӱлеш семын ыштымыжым оза ужеш гын, тарзыже пиалан. | 43Блажен раб тот, которого господин его, придя, найдет поступающим так. |
| 44 Тыланда чыным ойлем: уло погыжым ончаш тудым шогалта. | 44Истинно говорю вам, что над всем имением своим поставит его. |
| 45 А тудо тарзе шӱмыштыжӧ ”Мыйын озам эше ок тол” манын шоналта да кочкаш, йӱаш, рушташ, моло тарзе ӱдырамашымат, пӧръеҥымат кыраш тӱҥалеш гын, | 45Если же раб тот скажет в сердце своем: не скоро придет господин мой, и начнет бить слуг и служанок, есть и пить и напиваться, -- |
| 46 озаже вучыдымо кечын да палыдыме шагатыште толеш. Оза тудым покшеч руалын шелеш да ӱшаныдыме-влак дене ыштымыж семынак ышта. | 46то придет господин раба того в день, в который он не ожидает, и в час, в который не думает, и рассечет его, и подвергнет его одной участи с неверными. |
| 47 Тарзе озажын шонымыжым пала, ок ямдылалт да тудын шонымыж семын ок ыште гын, тудо чот кыралтеш. | 47Раб же тот, который знал волю господина своего, и не был готов, и не делал по воле его, бит будет много; |
| 48 А тарзе озажын шонымыжым ок пале да кырымым сулышо иктаж-мом ышта гын, тудо шагалрак кыралтеш. Кӧлан шуко пуымо, тудын деч шуко йодалтеш, кӧлан шуко ӱшаныме, тудо шукырак пуышаш. | 48а который не знал, и сделал достойное наказания, бит будет меньше. И от всякого, кому дано много, много и потребуется, и кому много вверено, с того больше взыщут. |
| 49 Мый мланде ӱмбаке тулым кондаш толынам, ынде тулым йӱлаш тӱҥалшым пешак ужнем ыле! | 49Огонь пришел Я низвести на землю, и как желал бы, чтобы он уже возгорелся! |
| 50 Тынеш пурымо дене Мый тынеш пурышаш улам. Тыге лийын шумешке, кузе Мый йӧсланем! | 50Крещением должен Я креститься; и как Я томлюсь, пока сие совершится! |
| 51 Мый мланде ӱмбаке тыныслыкым кондаш толынам манын, те шонеда мо? Уке, каласем Мый, шелалтмашым кондаш толынам. | 51Думаете ли вы, что Я пришел дать мир земле? Нет, говорю вам, но разделение; |
| 52 Пӧртыштӧ визытын улыт гын, тылеч вара нуно шелалтыт: кумытын кокыт ваштареш, коктын кумыт ваштареш лийыт. | 52ибо отныне пятеро в одном доме станут разделяться, трое против двух, и двое против трех: |
| 53 Ача эргыж ваштареш лиеш, эрге ачаж ваштареш, ава ӱдыржӧ ваштареш, ӱдыр аваже ваштареш, авалийше шке шешкыж ваштареш, а шешке авалийшыж ваштареш». | 53отец будет против сына, и сын против отца; мать против дочери, и дочь против матери; свекровь против невестки своей, и невестка против свекрови своей. |
| 54 А вара Иисус калыклан каласен: «Касвел могырым пыл кӱзымым ужыда гын, те тунамак ойледа: ”Йӱр лиеш”. Тыгак лиеш. | 54Сказал же и народу: когда вы видите облако, поднимающееся с запада, тотчас говорите: дождь будет, и бывает так; |
| 55 А кунам кечывалвел гыч мардеж пуа, шокшо лиеш маныда. Тыгак лиеш. | 55и когда дует южный ветер, говорите: зной будет, и бывает. |
| 56 Сайын кояш тӧчышӧ-влак! Мланде ӱмбаке да кавашке ончен, мом ужмыдам умылтарен моштеда, а кузе кызытсе жапым умылен огыда мошто? | 56Лицемеры! лице земли и неба распознавать умеете, как же времени сего не узнаете? |
| 57 Кузе чын ышташ, молан шке ынеда умыло? | 57Зачем же вы и по самим себе не судите, чему быть должно? |
| 58 Тыйым титаклыше еҥ дене вуйлатыше деке кайымет годым корнышто тудын дене мутланен келшаш чылажымат ыште, уке гын, тудо тыйым судьялан пуа, а судья – ороллан, тудыжо тыйым казаматыш шуа. | 58Когда ты идешь с соперником своим к начальству, то на дороге постарайся освободиться от него, чтобы он не привел тебя к судье, а судья не отдал тебя истязателю, а истязатель не вверг тебя в темницу. |
| 59 Тылат каласем: пытартыш ыр марте тӱлымешке, тушечын от лек». | 59Сказываю тебе: не выйдешь оттуда, пока не отдашь и последней полушки. |
*а 12:25 «Кап кугытшым»: грек мутым «Ӱмыржым» манынат кусараш лиеш.
Глава 12