Выбрать язык
Книги Ветхого Завета
Книги Нового Завета
без русского текстаЛУКАН ВОЗЫМО СВЯТОЙ ЕВАНГЕЛИЙ | ЕВАНГЕЛИЕ ОТ ЛУКИ |
15 Глава | Глава 15 |
| 1 Йозак погышо ден языкан-влак Иисус деке колышташ чылан толыныт. | 1Приближались к Нему все мытари и грешники слушать Его. |
| 2 Фарисей ден закон туныктышо-влак ӧпкелен ойленыт: «Тиде Еҥ языкан-влакым Шкеж деке лишемда да нунын дене пырля кочкеш!» | 2Фарисеи же и книжники роптали, говоря: Он принимает грешников и ест с ними. |
| 3 Иисус тунам нунылан тыге туштен каласен: | 3Но Он сказал им следующую притчу: |
| 4 «Тендан кокла гыч ик еҥын шӱдӧ шорыкшо уло да иктыжым йомдара гын, индешле индешыжым ир мландеш коден ок кае да йомшыжым мумешке ок кычал мо? | 4кто из вас, имея сто овец и потеряв одну из них, не оставит девяноста девяти в пустыне и не пойдет за пропавшею, пока не найдет ее? |
| 5 А мумеке, куана да шорыкшым вачышкыже пышта. | 5А найдя, возьмет ее на плечи свои с радостью |
| 6 Мӧҥгыжӧ толмеке, йолташыж ден пошкудыж-влакым ӱжын, ойла: ”Мый денем пырля куаныза: мый йомшо шорыкем муынам!” | 6и, придя домой, созовет друзей и соседей и скажет им: порадуйтесь со мною: я нашел мою пропавшую овцу. |
| 7 Тыланда каласем: язык деч кораҥаш амалышт укеан индешле индеш чын ыштыше дене таҥастарымаште, шке языкше деч кораҥше да Юмо деке савырныше языкан ик еҥ верчат пылпомышто тидын семынак утларак куан лиеш. | 7Сказываю вам, что так на небесах более радости будет об одном грешнике кающемся, нежели о девяноста девяти праведниках, не имеющих нужды в покаянии. |
| 8 Лу драхме оксаже уло да иктыжым йомдара гын, могай ӱдырамаш, лампым чӱктен, пӧртым ӱштын, мумешкыже тыршен ок кычал? | 8Или какая женщина, имея десять драхм, если потеряет одну драхму, не зажжет свечи и не станет мести комнату и искать тщательно, пока не найдет, |
| 9 А мумеке, йолташ ӱдырамаш да пошкудыж-влакым ӱжеш да каласа: ”Мый денем пырля куаныза, мый йомдарыме оксам муынам!” | 9а найдя, созовет подруг и соседок и скажет: порадуйтесь со мною: я нашла потерянную драхму. |
| 10 Тыланда ойлем: языкшым касарыктен Юмо деке савырныше языкан ик еҥ верчат Юмын Суксыж-влак коклаште тыгаяк куан лиеш». | 10Так, говорю вам, бывает радость у Ангелов Божиих и об одном грешнике кающемся. |
| 11 Иисус умбакыже ойлен: «Ик еҥын кок эргыже лийын. | 11Еще сказал: у некоторого человека было два сына; |
| 12 Изиракше ачажлан каласен: ”Ачай! Мылам логалшаш пого пайым ойырен пу”. Ача нунылан погым пайлен пуэн. | 12и сказал младший из них отцу: отче! дай мне следующую мне часть имения. И отец разделил им имение. |
| 13 Икмыняр кече эртымеке, изирак эргыже чыла поген да тора элыш каен. Тушто шала илен да шке пайжым шоналтыде кучылтын. | 13По прошествии немногих дней младший сын, собрав всё, пошел в дальнюю сторону и там расточил имение свое, живя распутно. |
| 14 Чыла шалатыл пытарымекше, тиде элыште кугу шужымаш тӱҥалын, да эргылан нужнам чыташ логалын. | 14Когда же он прожил всё, настал великий голод в той стране, и он начал нуждаться; |
| 15 Тудо тиде элысе ик еҥ деке пашаш пураш йодын миен, а садыже шке пасушкыжо сӧснам кӱташ колтен. | 15и пошел, пристал к одному из жителей страны той, а тот послал его на поля свои пасти свиней; |
| 16 Тудо сӧсналан пукшымо отыза дене мӱшкыржым темаш шонен, но тидыжымат нигӧ пуэн огыл. | 16и он рад был наполнить чрево свое рожками, которые ели свиньи, но никто не давал ему. |
| 17 Тунам тудо шонаш тӱҥалын да шкаланже каласен: ”Ачамын кунар шуко тарлалтше еҥже уло, чылалан кинде утымеш сита, а мый шужен колем! | 17Придя же в себя, сказал: сколько наемников у отца моего избыточествуют хлебом, а я умираю от голода; |
| 18 Каем, ачам деке пӧртылам да каласем: ’Ачай! Мый Пылпомыш ваштареш да тыйын ончылнет языкым ыштенам. | 18встану, пойду к отцу моему и скажу ему: отче! я согрешил против неба и пред тобою |
| 19 Ынде эргыч маналташат ом йӧрӧ, мыйым тарлалтше-влакет коклаш нал’”. | 19и уже недостоин называться сыном твоим; прими меня в число наемников твоих. |
| 20 Тудо кынелын да ачаж деке каен. Эше тораште улмыж годымак ачаже тудым ужын да чаманен, ваштарешыже куржын миен, шӱйжӧ гыч ӧндалын да шупшалын. | 20Встал и пошел к отцу своему. И когда он был еще далеко, увидел его отец его и сжалился; и, побежав, пал ему на шею и целовал его. |
| 21 Эргыже тудлан каласен: ”Ачай! Мый Пылпомыш ваштареш да тыйын ончылнет языкым ыштенам. Ынде эргыч маналташат ом йӧрӧ”. | 21Сын же сказал ему: отче! я согрешил против неба и пред тобою и уже недостоин называться сыном твоим. |
| 22 Но ача тарзыж-влаклан каласен: ”Эн сай вургемым кондыза да тудлан чиктыза. Кидышкыже шергашым*а да йолышкыжо йолчиемым пуыза. | 22А отец сказал рабам своим: принесите лучшую одежду и оденьте его, и дайте перстень на руку его и обувь на ноги; |
| 23 Ӧрдыктарыме презым вӱден кондыза да шӱшкылза, кочкаш да куан пайремым эртараш тӱҥалына! | 23и приведите откормленного теленка, и заколите; станем есть и веселиться! |
| 24 Мыйын тиде эргым колен ыле, ынде ылыжын, йомын ыле, ынде мумо”. Нуно куан пайремым эртараш тӱҥалыныт. | 24ибо этот сын мой был мертв и ожил, пропадал и нашелся. И начали веселиться. |
| 25 А кугурак эргыже пасушто лийын. Пӧртылмыж годым, пӧрт деке лишеммеке, куанен мурымо йӱк-йӱаным колын. | 25Старший же сын его был на поле; и возвращаясь, когда приблизился к дому, услышал пение и ликование; |
| 26 Тарзе-влак кокла гыч иктыжым ӱжын да йодын: ”Тиде мо тыгай?” | 26и, призвав одного из слуг, спросил: что это такое? |
| 27 Тудыжо вашештен: ”Тыйын шольыч толын. Тудо илыше да таза пӧртылынат, ачат ӧрдыктарыме презым шӱшкылын”. | 27Он сказал ему: брат твой пришел, и отец твой заколол откормленного теленка, потому что принял его здоровым. |
| 28 Кугурак эргыже сырен, пӧртышкат ынеж пуро улмаш. Ачаже лектын да тудым пураш ӱжын, | 28Он осердился и не хотел войти. Отец же его, выйдя, звал его. |
| 29 но тудо ачажлан вашештен: ”Теве мый тыланет тынар ий пашам ыштем, тыйын кӱштыметым ик ганат шуктыде коден омыл, но тый мылам йолташем-влак дене пайремым эртараш каза пачамат пуэн отыл. | 29Но он сказал в ответ отцу: вот, я столько лет служу тебе и никогда не преступал приказания твоего, но ты никогда не дал мне и козлёнка, чтобы мне повеселиться с друзьями моими; |
| 30 А кунам тиде эргыч, яжар-влак дене коштын поянлыкетым пытарымеке толын, тый тудлан ӧрдыктарыме презым шӱшкылынат!” | 30а когда этот сын твой, расточивший имение своё с блудницами, пришел, ты заколол для него откормленного теленка. |
| 31 Но ача тудлан каласен: ”Эргым, тый эре мый денем пырля улат. Мыйын мо уло, чылажат тыйын. | 31Он же сказал ему: сын мой! ты всегда со мною, и всё мое твое, |
| 32 А кызыт куанаш да йывырташ кӱлеш: тыйын тиде шольыч колен ыле, ынде ылыжын, йомын ыле, ынде мумо”». | 32а о том надобно было радоваться и веселиться, что брат твой сей был мертв и ожил, пропадал и нашелся. |
*а 15:22 Шергашым пуымыжо кугу пагалымашым ончыкта.
Глава 15