Выбрать язык
Книги Ветхого Завета
Книги Нового Завета
без русского текстаИОАННЫН ВОЗЫМО СВЯТОЙ ЕВАНГЕЛИЙ | ЕВАНГЕЛИЕ ОТ ИОАННА |
21 Глава | Глава 21 |
| 1 Тылеч вара Иисус Тивериада теҥыз воктене тунемшыж-влаклан адак кончен. Теве кузе тиде лийын. | 1После того опять явился Иисус ученикам Своим при море Тивериадском. Явился же так: |
| 2 Симон-Петр, Йыгыр манын лӱмдымӧ Фома, Галилейысе Кана гыч Нафанаил, Зеведейын эргыж-влак да Иисусын эше вес кок тунемшыже пырля лийыныт. | 2были вместе Симон Петр, и Фома, называемый Близнец, и Нафанаил из Каны Галилейской, и сыновья Зеведеевы, и двое других из учеников Его. |
| 3 Симон-Петр нунылан ойлен: «Кол кучаш каем». Молышт каласеныт: «Меат тый денет пырля каена». Нуно тунамак каеныт да пушыш шинчыныт, но тудо йӱдым нимом кучен огытыл. | 3Симон Петр говорит им: иду ловить рыбу. Говорят ему: идем и мы с тобою. Пошли и тотчас вошли в лодку, и не поймали в ту ночь ничего. |
| 4 А кунам эр шуын, серыште Иисус шоген. Но тунемшыж-влак тиде Иисус улмым пален огытыл. | 4А когда уже настало утро, Иисус стоял на берегу; но ученики не узнали, что это Иисус. |
| 5 Нунылан Иисус каласен: «Икшыве-влак, тендан иктаж-могай кочкышда уло?» «Уке», – нуно вашештеныт. | 5Иисус говорит им: дети! есть ли у вас какая пища? Они отвечали Ему: нет. |
| 6 Иисус ойлен: «Вапшым пуш деч пурла могырыш кудалтыза, тунам кучеда». Нуно вапшым кудалтеныт да кол шукылан кӧра мӧҥгеш луктын кертын огытыл. | 6Он же сказал им: закиньте сеть по правую сторону лодки, и поймаете. Они закинули, и уже не могли вытащить сети от множества рыбы. |
| 7 Иисусын йӧратыме тунемшыже Петрлан каласен: «Тиде Господь!» Тиде Господь манмым колмеке, Симон-Петр кудашме вургемжым кыдалешыже кылден да теҥызыш тӧрштен. | 7Тогда ученик, которого любил Иисус, говорит Петру: это Господь. Симон же Петр, услышав, что это Господь, опоясался одеждою, --ибо он был наг, --и бросился в море. |
| 8 А моло тунемшыже, кол дене темше вапшым шупшын, сер деке пуш дене ийын миеныт. Сер деке тора лийын огыл, кокшӱдӧ кынергут*а наре. | 8А другие ученики приплыли в лодке, --ибо недалеко были от земли, локтей около двухсот, --таща сеть с рыбою. |
| 9 Серыш лекмекышт, нуно йӱлышӧ тулшолым ужыныт, тудын ӱмбалне кол киен, тушто киндат лийын. | 9Когда же вышли на землю, видят разложенный огонь и на нем лежащую рыбу и хлеб. |
| 10 Иисус нунылан каласен: «Кызыт кучымо колдам кондыза». | 10Иисус говорит им: принесите рыбы, которую вы теперь поймали. |
| 11 Симон-Петр миен да кугу кол дене темше вапшым мланде ӱмбаке шупшын луктын, чылаже шӱдӧ витле кум кол лийын. Кол тынар шуко лийын гынат, вапш кушкедлен огыл. | 11Симон Петр пошел и вытащил на землю сеть, наполненную большими рыбами, которых было сто пятьдесят три; и при таком множестве не прорвалась сеть. |
| 12 Иисус нунылан ойлен: «Толза, кочса». Тый кӧ улат манын, тунемшыж-влак кокла гыч нигӧ Тудын деч йодаш тоштын огыл. Тиде Господь улмым нуно ынде паленыт. | 12Иисус говорит им: придите, обедайте. Из учеников же никто не смел спросить Его: кто Ты?, зная, что это Господь. |
| 13 Иисус миен, киндым налын да нунылан пуэн, кол денат тыгак ыштен. | 13Иисус приходит, берет хлеб и дает им, также и рыбу. |
| 14 Колымаш гыч ылыж кынелмыж деч вара шке тунемшыж-влаклан Иисус ынде кумшо гана кончен. | 14Это уже в третий раз явился Иисус ученикам Своим по воскресении Своем из мертвых. |
| 15 Кочмекышт, Иисус Симон-Петрлан каласен: «Симон, Ионан эргыже, нунын деч чот*б Мыйым йӧратет мо?» Петр вашештен: «Туге, Господь. Тый палет, мый Тыйым йӧратем». Иисус ойлен: «Мыйын пачам-влакым кӱтӧ». | 15Когда же они обедали, Иисус говорит Симону Петру: Симон Ионин! любишь ли ты Меня больше, нежели они? Петр говорит Ему: так, Господи! Ты знаешь, что я люблю Тебя. Иисус говорит ему: паси агнцев Моих. |
| 16 Кокымшо ганат тудын деч йодын: «Симон, Ионан эргыже, тый Мыйым йӧратет мо?» Петр вашештен: «Туге, Господь. Тый палет, мый Тыйым йӧратем». Иисус каласен: «Мыйын шорыкем-влакым кӱтӧ». | 16Еще говорит ему в другой раз: Симон Ионин! любишь ли ты Меня? Петр говорит Ему: так, Господи! Ты знаешь, что я люблю Тебя. Иисус говорит ему: паси овец Моих. |
| 17 Кумшо ганат Иисус тудлан ойлен: «Симон, Ионан эргыже, тый Мыйым йӧратет мо?» Кумшо гана «Мыйым йӧратет мо?» манын йодмыжлан Петр ойганен. Иисуслан тудо каласен: «Господь, Тый чыла палет. Тый палет, мый Тыйым йӧратем». Иисус каласен: «Мыйын шорыкем-влакым кӱтӧ. | 17Говорит ему в третий раз: Симон Ионин! любишь ли ты Меня? Петр опечалился, что в третий раз спросил его: любишь ли Меня? и сказал Ему: Господи! Ты все знаешь; Ты знаешь, что я люблю Тебя. Иисус говорит ему: паси овец Моих. |
| 18 Чынак, чынак тылат ойлем: кунам тый самырык лийынат, ӱштым тый шке ӱшталынат да кушко шоненат, тушко каенат. А кунам шоҥгемат, кидет шаралтет да весе тыйым ӱшталта да, кушко ынет кай, наҥгая». | 18Истинно, истинно говорю тебе: когда ты был молод, то препоясывался сам и ходил, куда хотел; а когда состаришься, то прострешь руки твои, и другой препояшет тебя, и поведет, куда не хочешь. |
| 19 Могай колымаш дене Петр Юмылан чапым кондышаш улмаш, Иисус тиде мутшо дене палдарен. Тидым ойлымеке, Петрлан каласен: «Почешем кае!» | 19Сказал же это, давая разуметь, какою смертью Петр прославит Бога. И, сказав сие, говорит ему: иди за Мною. |
| 20 Петр савырнен ончалын да Иисусын йӧратыме тунемшыжым ужын. Тудыжо почешышт ошкылын. Тиде тунемшак кас кочкыш годым Иисусын оҥешыже эҥертен да йодын: «Господь, кӧ Тыйым ужала?» | 20Петр же, обратившись, видит идущего за ним ученика, которого любил Иисус и который на вечери, приклонившись к груди Его, сказал: Господи! кто предаст Тебя? |
| 21 Петр, тудым ужмеке, Иисус деч йодын: «Господь, тудын дене мо лиеш?» | 21Его увидев, Петр говорит Иисусу: Господи! а он что? |
| 22 Иисус тудлан ойлен: «Мыйын толмешкем тудо илыше кодшо манын шонем ыле гын, тылатше мо? Тый почешем кае». | 22Иисус говорит ему: если Я хочу, чтобы он пребыл, пока приду, что тебе до того? ты иди за Мною. |
| 23 Тиде тунемше ок коло манын, иза-шольо-влак коклаште ойлыштмаш теве молан шарлен. Но тудо ок коло манын, Иисус каласен огыл. Тудо ойлен: «Мыйын толмешкем тудо илыше кодшо манын шонем ыле гын, тылатше мо?» | 23И пронеслось это слово между братиями, что ученик тот не умрет. Но Иисус не сказал ему, что не умрет, но: если Я хочу, чтобы он пребыл, пока приду, что тебе до того? |
| 24 Тиде тунемшак тидын нерген таныкла да чыла тидым возен. Тудын таныклымыже чын улмым ме палена. | 24Сей ученик и свидетельствует о сем, и написал сие; и знаем, что истинно свидетельство его. |
| 25 Эше шуко весымат Иисус ыштен. Чыла тидым радам дене возаш гын, уло тӱняште тынар шуко книгалан вер ок сите ыле, шонем. Аминь. | 25Многое и другое сотворил Иисус; но, если бы писать о том подробно, то, думаю, и самому миру не вместить бы написанных книг. Аминь. |
*а 21:8 «Кокшӱдӧ кынергут» – 100 метр наре лиеш.
*б 21:15 «Нунын деч чот»: тидым «Чыла моло деч чот» манынат кусараш лиеш.
Глава 21