Выбрать язык
Книги Ветхого Завета
Книги Нового Завета
с русским текстом1 Ме угыч шкенам шке палдараш тӱҥалына мо? Южо еҥ семын ала мыланнат темлыме серыш-влак тыланда але тендан деч кӱлыт?2 Уке, те шке мемнан серышна улыда, тудым шӱмешна возымо, тудым чыла еҥ пален да лудын кертеш.3 Христосын серышыже улмыдам шкеак ончыктеда. Тудым мемнан служитлыме пашана дене серыме, чия дене огыл, а илыше Юмын Шӱлышыж дене возымо, кӱоҥаш огыл, а айдемын шӱм оҥашыже серыме.
4 Юмылан тыгай ӱшанымашна Христослан кӧра мемнан уло.5 Туге гынат ме нимом шкенан ыштымына манын шотлен огына керт, а мемнан моштымашна Юмо деч.6 Тудо мемнам у ойпидышын служитлышыже лияш моштышым ыштен. Ме законысо букван служитлышыже огыл, а Шӱлышын служитлышыже улына, вет законысо буква колымашке шукта, а Шӱлыш илышым пуа.
7 Кӱэш возымо да колымашым кондышо буквалан служитлыме пашат чапланен, да Израиль эрге-влак Моисейын чурийышкыже ончен кертын огытыл, вет тудын чурийже йолгалтын – а тиде чапше пытышаш улмаш.8 Шӱлышлан служитлыме паша утларак чапланыше ок лий мо?9 Титаканыш лукмылан служитлыме паша чапланен гын, чыныш лукмылан служитлыме паша утларак чаплана.10 Тудын чапше тугай кугу, ондак чапланыше пашаже тудын дене таҥастарымаште чапланышыла ок кой.11 Вет пытышашыже чапланен толын гын, тугеже курымашлыкше шуко пачаш виян чаплана.
12 Тыгеракын, тыгай ӱшанен вучымашна уло гын, ме калык ончылно лӱдде ойлена.13 Пытышашын мучашыжым Израиль эрге-влак ынышт ончо манын, Моисей чурийжым леведын, а ме тыге огына ыште.14 Но Израиль калыкын ушыжо кӱэмалтын. Тошто ойпидышын возымыжым лудмо годым таче кече мартеат саде леведышак кораҥдыде кодеш, вет Христос дене ушнымаште веле тудо кораҥдалтеш.15 Моисейын законжым лудмо годым леведыш таче мартеат нунын шӱмышт ӱмбалне кия.16 Но кунам Господь велке савырнат, леведыш налалтеш.17 Господь – тиде Шӱлыш, а кушто Господьын Шӱлышыжӧ уло, тушто – эрык.18 А мемнан шӱргыштына леведыш уке. Ме чылан Господьын чапшым пуйто воштончыш гоч ончена, Тудын гай лияш манын, чап гыч чапыш вашталтына; тыге мемнам Господьын Шӱлышыжӧ вашталта.*а
*а 3:18 «Господьын Шӱлышыжӧ»: грек шомакым тыгеат кусараш лиеш: «Господь, Шӱлыш,».
Глава 3