Выбрать язык
Книги Ветхого Завета
Книги Нового Завета
без русского текстаСВЯТОЙ АПОСТОЛ ПАВЕЛЫН ЕФЕСЯН-ВЛАКЛАН КОЛТЫМО СЕРЫШЫЖЕ | ПОСЛАНИЕ К ЕФЕСЯНАМ |
6 Глава | Глава 6 |
| 1 Йоча-влак, Господь дене ушнен, ача-авадан мутыштым колыштса, вет Юмын ончылно тиде сай. | 1Дети, повинуйтесь своим родителям в Господе, ибо сего требует справедливость. |
| 2 «Шке ачат ден аватым пагале», – тиде икымше кӱштымаш, тудын дене пырля сӧрымаш пуалтын: | 2Почитай отца твоего и мать, это первая заповедь с обетованием: |
| 3 тунам «тыланет сай лиеш, да мланде ӱмбалне кужу ӱмыран лият».*а | 3да будет тебе благо, и будешь долголетен на земле. |
| 4 Те, ача-влак, йочада-влакым шыдылан ида тарате, а Господьын туныктымыж да тӧрлатымыж дене нуным ончен куштыза. | 4И вы, отцы, не раздражайте детей ваших, но воспитывайте их в учении и наставлении Господнем. |
| 5 Кул-влак, мландымбалысе озада-влакым Христосым колыштмо семын, лӱдын да пагален, яндар шӱм дене колыштса. | 5Рабы, повинуйтесь господам своим по плоти со страхом и трепетом, в простоте сердца вашего, как Христу, |
| 6 Айдемылан келшаш тӧчен, оза ужмо годым веле огыл тыге ыштыза, а, Юмын кумылжым уло чон дене шуктен, Христосын тарзыже семын ыштыза. | 6не с видимою только услужливостью, как человекоугодники, но как рабы Христовы, исполняя волю Божию от души, |
| 7 Айдемылан огыл, а Господьлан служитлыме семын уло кумылын шке пашадам ыштыза. | 7служа с усердием, как Господу, а не как человекам, |
| 8 Пален лийза: кӧ иктаж-могай порым ышта гын, кеч кул, кеч эрыкан лийже, Господь деч порылыкым налеш. | 8зная, что каждый получит от Господа по мере добра, которое он сделал, раб ли, или свободный. |
| 9 Теат, оза-влак, лӱдыктылмашым коден, кулда-влак дене тугак ыштыза. Пален лийза: пылпомышто нунынат, тенданат Господь уло, Тудо чыла айдемым ик семын онча. | 9И вы, господа, поступайте с ними так же, умеряя строгость, зная, что и над вами самими и над ними есть на небесах Господь, у Которого нет лицеприятия. |
| 10 Иза-шольым-влак, пытартышлан ойлынем: Господь да Тудын кугу вий-куатше дене пеҥгыдемза. | 10Наконец, братия мои, укрепляйтесь Господом и могуществом силы Его. |
| 11 Диаволын осал шонымыжо ваштареш шоген кертса манын, Юмын уло сарӱзгарже дене вӱдылалтса. | 11Облекитесь во всеоружие Божие, чтобы вам можно было стать против козней диавольских, |
| 12 Вет кучедалмашна еҥ-влак ваштареш огыл, а тиде курымысо пычкемышын вуйлатышыже, кучемвийже ден тӧраже-влак ваштареш, кава йымалысе осал шӱлыш-влак ваштареш. | 12потому что наша брань не против крови и плоти, но против начальств, против властей, против мироправителей тьмы века сего, против духов злобы поднебесной. |
| 13 Тыгеже Юмын уло сарӱзгаржым налза. Тунам те осал кечын ваштареш шогалын да, чыла шуктымеке, пеҥгыдын шоген кертыда. | 13Для сего приимите всеоружие Божие, дабы вы могли противостать в день злый и, все преодолев, устоять. |
| 14 Тугеже ямде лийза: кыдалешда чыным ӱшталза, чын ыштымашым кӱртньӧ тувыр семын чийыза, | 14Итак станьте, препоясав чресла ваши истиною и облекшись в броню праведности, |
| 15 тыныслык нерген поро уверым каласкалаш ямде улмым йолешда чийыза. | 15и обув ноги в готовность благовествовать мир; |
| 16 А эн чотшо Юмылан ӱшанымашым авыртыш семын налза, тудын дене те осалын чыла йӱлышӧ пикшыжым йӧртен кертыда. | 16а паче всего возьмите щит веры, которым возможете угасить все раскаленные стрелы лукавого; |
| 17 Утарымашым ӧшлӧк семын упшалза, Шӱлышын кердыжым, вес семынже Юмын шомакым, налза. | 17и шлем спасения возьмите, и меч духовный, который есть Слово Божие. |
| 18 Эре сӧрвалыза да йодса, чыла годымат Шӱлыш дене кумалза, тӱткӧ лийза да кугу чытымаш дене чыла святой-влак верч Юмым сӧрвалыза. | 18Всякою молитвою и прошением молитесь во всякое время духом, и старайтесь о сем самом со всяким постоянством и молением о всех святых |
| 19 Ойлымем годым мылам кӱлеш шомакым Юмо пуыжо да Поро Уверын тайныжым лӱдде палдараш йӧным ыштыже манын, мыйын верчат кумалза. | 19и о мне, дабы мне дано было слово--устами моими открыто с дерзновением возвещать тайну благовествования, |
| 20 Поро Уверлан кӧра мыйым колтымо да кучен петырыме. Поро Увер нерген еҥ-влак ончылно кӱлеш семын лӱдде каласкалаш мылам полшыжо манын, Юмым сӧрвалыза. | 20для которого я исполняю посольство в узах, дабы я смело проповедывал, как мне должно. |
| 21 Мыйын пашам кузе кайыме да кузе илымем нерген теат палыза манын, Господьын ӱшанле служитлышыже, йӧратыме Тихик иза тыланда чыла каласкален пуа. | 21А дабы и вы знали о моих обстоятельствах и делах, обо всем известит вас Тихик, возлюбленный брат и верный в Господе служитель, |
| 22 Мемнан нерген чыла палдараш да тендан шӱмдам кумылаҥдаш манын, мый тудым тендан деке колтенам. | 22которого я и послал к вам для того самого, чтобы вы узнали о нас и чтобы он утешил сердца ваши. |
| 23 Иза-шольо-влаклан Юмо Ача да Господь Иисус Христос деч тыныслык, йӧратымаш да ӱшанымаш лийже. | 23Мир братиям и любовь с верою от Бога Отца и Господа Иисуса Христа. |
| 24 Мемнан Господьна Иисус Христосым вашталтдыме йӧратымаш дене йӧратыше чыла айдеме пелен порылык лийже. Аминь. | 24Благодать со всеми, неизменно любящими Господа нашего Иисуса Христа. Аминь. |
*а 6:2-3 Лекм 20:12, Зак.уш 5:16.
Глава 6