Выбрать язык
Книги Ветхого Завета
Книги Нового Завета
с русским текстом1 Тиде мут чын: кӧ епископ лийнеже гын, поро пашам ыштынеже.2 А епископ шылталаш лийдыме лийшаш: ик гана гына ӱдырым налше,*а айык, ушан-шотан, шкенжым сайын кучышо, [чыным йӧратыше,] корныеҥ-влакым кумылын ончышо, туныктен моштышо лийже.3 Аракам йӱаш йӧратыше огыл, кредал коштшо огыл, [вурседылше огыл,] шкаланже пайдам кычалше огыл, но тыматле лийже, ынже ӱчаше, оксам ынже йӧрате.4 Тудо шке ешыжым моштен кучышаш, йочажым мут колыштшым да чыла шотыштат чын илышым ончен куштышаш.5 А кӧ шке ешыжым кучен огеш керт гын, кузе Юмын Черкыж верч тыршаш тӱҥалеш?6 Епископ кызыт гына ӱшанаш тӱҥалше лийшаш огыл. Тыгай айдеме кугешнаш тӱҥалын да диавол дене пырля титаканыш лукталтын кертеш.7 Еҥ-влакын титаклымашкышт да диаволын вапшышкыже логалаш огыл манын, тудо ӧрдыж-влак коклаштат пагалыме лийшаш.
8 Тыгак диакон-влакат чын илышаш улыт. Нуно кокыте ойлышаш огытыл, аракам йӱаш йӧратыше ынышт лий, шкаланышт пайдам ынышт кычал,9 ӱшанымашын келге чынжым ару совесть дене пеҥгыдын кучышаш улыт.10 Но нине еҥымат ондакше тергыман, вара, нуно шылталаш лийдыме улыт гын, тек служитлаш тӱҥалыт.11 Вате-влакат чын илышаш улыт, еҥ ӱмбаке ынышт ойло, айык, чыла шотыштат ӱшанле лийышт.12 Диакон-влак тек ик гана гына ӱдырым налше лийыт, шке йочаштым да ешыштым сайын кучышт.13 Сайын служитлыше-влак кугу кӱкшытыш шуыт да Христос Иисуслан ӱшанымаште моткоч лӱддымӧ лийыт.
14 Тый декет вашке мияш ӱшанен, мый тидым тылат возем.15 А кучалтам гын, Юмын пӧртыштӧ*б еҥ-влак шкеныштым кузе кучышаш улыт манын, тыланетат палаш кӱлеш, вет тиде пӧртшӧ илыше Юмын Черкыже, чынын негызше да эҥертышыже.
16 Чынжымак, Юмылан ӱшанымашын святой тайныже пешак кугу:
Юмо кап дене толын,
Святой Шӱлыш дене чыныш лектын,
Суксо-влаклан Шкенжым ончыктен,
калык-влаклан Тудын нерген увертарыме,
тӱняште Тудлан ӱшаненыт,
Тудо чап дене пылпомышко нӧлталтын.
*а 3:2 «Ик гана гына ӱдырым налше»: грекла «Ик ватын марийже». Тыгак – 3:12.
*б 3:15 «Юмын пӧрт» манмым тыште «Юмын калык» манын умылыман.
Глава 3