Выбрать язык
Книги Ветхого Завета
Книги Нового Завета
с русским текстом1 Ожно шуко гана да тӱрлӧ семын пророк-влак гоч ача-влаклан ойлышо Юмо2 тиде пытартыш кечылаште мыланна Эргыж гоч ойлен. Эргыжым Юмо чылан наследникшылан шогалтен, Тудын гочак сандалыкым ыштен улмаш.3 Эрге Тудын чапшын волгалтмыже, могай улмыжын тичмаш сынже улеш да чылажымат куатан шомакше дене куча. Шкеж дене мемнам язык деч эрныктарымеке, Эрге пылпомыш кӱкшытыштӧ Чаплылыкын [престолжын] пурла могырышкыжо шинчын.4 Налме лӱмжӧ Суксо-влакын лӱмышт деч кунар кӱшнӧ, Суксо деч Тудо тунарак кугу лийын.
5 Суксо кокла гыч кӧлан кунам Юмо каласен:
«Тый Мыйын Эргым улат,
Мый таче Тыйым шочыктенам».
Адак каласен:
«Мый Тудлан Ача лиям,
а Тудо Мыланем Эрге лиеш».*а
6 Тыгак Икымше Шочшыжым тӱняшке пуртымыж годым манын:
«Тек Тудлан Юмын чыла Суксыжо вуйым сава».*б
7 Суксо-влак нерген каласа:
«Суксыж-влакым шӱлышым*в ышта,
служитлышыж-влакым – тулйылмым».
8 А Эргыж нерген:
«Юмо, Тыйын престолет курым-курымеш,
Тыйын кугыжан тоят – чынлык тоя.
9 Тый чын ыштымым йӧратет,
закондымылыкым ужмет ок шу.
Сандене Юмо, Тыйын Юмет, куан ӱй дене Тыйым
пеленет улшо-влак деч утларак шӱрен».*г
10 Адак ойлен:
«Тый, Господь, тӱҥалтыште мландым негызленат,
кават – кидетын пашаже.
11 Нуно пытат, а Тый эре улат.
Чылажат вургем семын тоштемеш,
12 чием семын нуным вӱдылат,
да нуно вашталтыт.
Но Тый эре тугаяк кодат,
илышаш кечет огеш пыте».*д
13 Суксо кокла гыч кӧлан кунам Юмо каласен:
«Тушманет-влакым йол йымакет пыштымешкем,
пурла велыштем шинче».*е
14 Але чыла Суксо Юмылан служитлыше шӱлыш огыл? Утарымашым налшаш-влаклан служитлаш колтымо огытыл мо?
*в 1:7 Пс 103:4. «Шӱлыш»: грек йылмыште ик мутак «шӱлыш» ден «мардеж» шомакым ончыкта. Ончо Ин 3:8.
*г 1:8-9 Пс 44:7-8.
Глава 1