Выбрать язык
Книги Ветхого Завета
Книги Нового Завета
без русского текстаСВЯТОЙ ИОАНН БОГОСЛОВЛАН ПОЧМАШ | ОТКРОВЕНИЕ ИОАННА |
11 Глава | Глава 11 |
| 1 Мылам висыме пондо гай тоям пуэныт да каласеныт: «Кынел, Юмын храмжым да жертвенникшым висе, тушто кумалше-влакым шотло. | 1И дана мне трость, подобная жезлу, и сказано: встань и измерь храм Божий и жертвенник, и поклоняющихся в нем. |
| 2 А храмын тӱжвал кудывечыжым ӧрдыжеш кодо, тудым ит висе, вет тудым вес калык-влаклан пуымо, да нуно святой олам нылле кок тылзе тошкаш тӱҥалыт. | 2А внешний двор храма исключи и не измеряй его, ибо он дан язычникам: они будут попирать святый город сорок два месяца. |
| 3 Мый кок таныклышемым колтем: нуно, чоштыра вургемым чиен, тӱжем кокшӱдӧ кудло кече пророклен ойлаш тӱҥалыт». | 3И дам двум свидетелям Моим, и они будут пророчествовать тысячу двести шестьдесят дней, будучи облечены во вретище. |
| 4 Нунышт мландын Юмыжо ончылно шогышо кок олив пушеҥге да кок светильник улыт. | 4Это суть две маслины и два светильника, стоящие пред Богом земли. |
| 5 Нунын умшашт гыч тул лектеш да нунылан осалым ышташ шонышо тушманыштым пытара. Кӧ нунылан осалым ыштынеже гын, тудо пуштмо лийшаш. | 5И если кто захочет их обидеть, то огонь выйдет из уст их и пожрет врагов их; если кто захочет их обидеть, тому надлежит быть убиту. |
| 6 Пророклен ойлымышт годым йӱр [мланде ӱмбаке] ынже йӱр манын, кавам петыраш нунын кучемвийышт уло, да шонымышт годым вӱдым вӱрыш савыраш да мландыш тӱрлӧ эҥгекым колташ кучемвийышт уло. | 6Они имеют власть затворить небо, чтобы не шел дождь на землю во дни пророчествования их, и имеют власть над водами, превращать их в кровь, и поражать землю всякою язвою, когда только захотят. |
| 7 А кунам нуно таныклымыштым мучашыш шуктат, пундашдыме келгыт гыч лекше янлык нунын ваштареш кредалаш тӱҥалеш, сеҥа да нуным пуштеш. | 7И когда кончат они свидетельство свое, зверь, выходящий из бездны, сразится с ними, и победит их, и убьет их, |
| 8 Нунын капыштым кугу ола уремеш кода, тудыжым таҥастарен ойлымо годым Содом ден Египет маныт, туштак мемнан Господьнат ыресеш пудалыме лийын. | 8и трупы их оставит на улице великого города, который духовно называется Содом и Египет, где и Господь наш распят. |
| 9 Колышо капыштым тӱрлӧ калык, тукым, йылме да йыжыҥ гыч еҥ-влак кум кечат пеле ончат да нунын капыштым шӱгарыш пышташ огыт пу. | 9И многие из народов и колен, и языков и племен будут смотреть на трупы их три дня с половиною, и не позволят положить трупы их во гробы. |
| 10 Мландымбалне илыше-влак нунын колымыштлан куанат да йывыртат, икте-весылан пӧлекым колтат, вет нине кок пророк мландымбалне илыше-влакым орландареныт. | 10И живущие на земле будут радоваться сему и веселиться, и пошлют дары друг другу, потому что два пророка сии мучили живущих на земле. |
| 11 Но кум кечат пеле гыч пророк-влакын кӧргышкышт Юмо деч илыш шӱлыш пурен, да нуно [коктынат] йол ӱмбаке кынел шогалыныт. Нуным ончышо-влакым кугу лӱдмаш авалтен. | 11Но после трех дней с половиною вошел в них дух жизни от Бога, и они оба стали на ноги свои; и великий страх напал на тех, которые смотрели на них. |
| 12 Нуно пылпомыш гыч «Тышке кӱзыза» манын виян йӱкын каласымыжым колыныт. Пророк-влак пыл ӱмбалан пылпомышко кӱзеныт, а тушманышт-влак нуным онченыт. | 12И услышали они с неба громкий голос, говоривший им: взойдите сюда. И они взошли на небо на облаке; и смотрели на них враги их. |
| 13 Тиде жапыштак мланде виян чытырналтын, да олан луымшо ужашыже шаланен. Мланде чытырналтме дене шым тӱжем еҥ пытен, молышт моткоч чот лӱдыныт да пылпомышысо Юмым чапландареныт. | 13И в тот же час произошло великое землетрясение, и десятая часть города пала, и погибло при землетрясении семь тысяч имен человеческих; и прочие объяты были страхом и воздали славу Богу небесному. |
| 14 Кокымшо ойго эртен, теве кумшо ойго вашке толеш. | 14Второе горе прошло; вот, идет скоро третье горе. |
| 15 Шымше Суксо пучым пуалтен. Тунам пылпомышто шуко йӱк йоҥгалтын, нуно виян ойленыт: «Тӱня кугыжаныш мемнан Господьнан да Тудын Христосшын лие! Тудо курым-курымеш кугыжаланаш тӱҥалеш». | 15И седьмой Ангел вострубил, и раздались на небе громкие голоса, говорящие: царство мира соделалось царством Господа нашего и Христа Его, и будет царствовать во веки веков. |
| 16 Юмын ончылно шке престолыштышт шинчыше коло ныл старец кумык возын да Юмылан вуйым савен | 16И двадцать четыре старца, сидящие пред Богом на престолах своих, пали на лица свои и поклонились Богу, |
| 17 ойлен: «Чылакучышо Господь Юмына, Улшо, Лийше да Толшаш, Тыланет таум ыштена: Тый шке кугу куатетым налынат да кугыжаланаш тӱҥалынат. | 17говоря: благодарим Тебя, Господи Боже Вседержитель, Который еси и был и грядешь, что ты приял силу Твою великую и воцарился. |
| 18 Калык-влак шыде дене темыныт, но Тыйын шыде жапет ынде толын. Колышо-влакым судитлаш, Тыйын пророк тарзет-влаклан, святой-влаклан, лӱметым лӱдын пагалыше-влаклан изиланат, кугуланат тарым пуаш да мландым пытарыше-влакым пытараш жап шуын». | 18И рассвирепели язычники; и пришел гнев Твой и время судить мертвых и дать возмездие рабам Твоим, пророкам и святым и боящимся имени Твоего, малым и великим, и погубить губивших землю. |
| 19 Вара Юмын пылпомышысо храмже почылтын, да храмыштыже Тудын ойпидыш шондыкшо койын. Волгенче волгалтын, йӱк-йӱан шоктен, кӱдырчӧ кӱдыртен, мланде чытырналтын да кугу шолем лийын. | 19И отверзся храм Божий на небе, и явился ковчег завета Его в храме Его; и произошли молнии и голоса, и громы и землетрясение и великий град. |
Глава 11