Выбрать язык
Выбрать рассказ Ветхого Завета
Выбрать рассказ Нового Завета
Чулалас уна кад. Öврамлöн Саракöт челядь абу вöлöм.
Öврамыс пöрисьмас ни. Сiя гажтöма горöтчасЕныслö: «Дöсвидзись*а Енö! Мый сетан Тэ меным? Менам абу челядь, Тэ эн сет меным нiйö. Менам отсасисьлö кольччас быдöс менам пажытьö». Еныс сэтчö висьталöм сылö: «Пажытьыт оз вудж отсасисьыт киö. Быдöс сетан тэ сянь чужöм зонытлö». Сыбöрын петкöтас Öврамсö öтöрас, шуас сылö: «Видзöт вылö енöжас, лыддьы, мымда сэтчин кöдзуввес, верман кö нiйö лыддьыны. Сымда эд лоас отирыс тэнат увтырын. Ме бур кылöн сета Сара иньытлö тэ сянь зонöс».
Öтпыр Öврам дынö локтöмась куим морт. Öврамыс вежöртöм: нiя пö Енсянь юöртiссез. Сiя корас нiйö керкуас, чöскыта вердас. Сёйöм бöрын öтiкыс ны коласiсь Öврамыслö висьталöм: «Мöдпыр эта коста Ме бöра локта тэ дынö. Сэк Сараыт чужтас зонöс». Сараыс кылас нiйö кыввесö, серöмтчöмöн ас кежас шуас: «Меным я адззывны сэтшöм гажсö, ме эд пöрись ни?» Еныс сэк висьталöм Öврамыслö: «Мыйсянь серöмтчис Сараыт? Эм я мыйкö Ен понда сьöкытыс? Висьталöм кадö Ме локта тэ дынö, Сараыт сэк чужтас зонöс».
Ен висьталöм сьöртi Сараыслöн чужöм зон. Öврам сылöсетöм Исак ним.
Лоöм 15:1-6, 17:15-16, 18:1-19, 21:1-3
*а Дöсвидзись – Владыка, Господь
20 