Выбрать язык
Выбрать рассказ Ветхого Завета
Выбрать рассказ Нового Завета
Исусыс коляс Назаретсö, пондöм овны Капернаум карын. Капернаумыс сулалö Галилей ты дорын. Сiя кадсянь Исусыс пондöм велöтны: «Кежö умöльсö керöмныт дынiсь, сибалiс Енлöн веськöтлöм*а». Исусыс бöрын быдлаись мунöм уна отир. Сiя велöтас нiйö да веськöтас шогöттэзiсь.
Öндрейыс Петра воныскöт Галилей тыись кыясö чери. Исусыс казялас нiйö, корöм: «Локтö ме сьöрö. Ме тiянöс кера морт лов кыйиссезö». Сiйö позис вежöртны сiдз: Сiя велöтас нiйö петкöтны отирсö умöль керöммезiсь. Öндрейыс Петраыскöт колясö ассиныс кулöммезнысö*б да мунасö Исусыс сьöрö.
Одзлань мунiкö Исусыс казялас пыжын пукалiсь Яковöс Иван воннас да Зебедей айнысö. Нiя вочöмась кулöммез. Исусыс корас Яковсö Иваныскöт мунны Сыкöт. Нiя айнысö кольöмась пыжас, мунöмась Сы сьöрö. Сыбöрын Исусыс корас сьöрас мöд велöтчиссесö. Мöддэс моз нiя мунасö Сыкöт. Исусыс велöтöм даскык велöтчисьсö торйöн. Нiйö шуöмась: Петра, Öндрей, Иван, Яков, Пилип, Варполомей, Матвей, Пома, Алпейлöн Яков, Падей, аслас му понда пессись Симон да Искарйот Иуда. Бöрьяыс сёрöнжык вузалас Исуссö.
Исусыс ыстас даскык велöтчисьсö нуöтны бур юöр отирлö. Сетöм нылö вын веськöтны отирöс шогöттэзiсь, вашöтлыны ны пытшкись лёк ловвез.
Матвей 4:12-22, Марк 3:13-19
*а Енлöн веськöтлöм – Божье Царство
*б кулöммез – сети
78 