Библейские рассказы
Выбрать язык
Выбрать рассказ Ветхого Завета
Выбрать рассказ Нового Завета
ЙИТÖД КУД ВАЙÖНЫ ЕРУСАЛИМÖ
Давид пондiс веськöдлыны став Израильöн да овмöдчис Ерусалим карö. Сiйö зэв ёна радейтiс Енмöс да кöсйис, медым Йитöд Кудйыс вöлi Ерусалимын. Тайö Кудсö филистимсаяс босьтiсны аслыныс израильсаяскöд тыш дырйи. Но бöрынджык найö бöр сетiсны сiйöс израильсаяслы. Кудсö видзисны Иуда муын Аминадав керкаын.
Кор Йитöд Кудсö вайисны Ерусалимö, Давид вöлi зэв шуда. Кудсö пыртiгöн Давид нимкодьысла йöктiс да ошкис Енсö. Став войтырыс гораа сьылöмöн да тутсöмöн тшöтш ошкис Енсö. Кудсö сувтöдiсны скинияö. Давид вайис Енлы висьяс да бурсиис Израиль войтырöс.
Ен кöсйысис Давидлы, мый вынсьöдас сылысь юралöмсö. Давидлöн пи йылысь Енмыс тадзи шуис: «Ме лоа сылы Батьöн, а сiйö лоас Меным пиöн. Мыжмас кö сiйö, Ме мыжда сiйöс, кыдзи бать мыждö ассьыс писö. Но Ассьым буралöмöс Ме ог босьт сы вылысь. Тэнад рöдвужыд да ыджыдалöмыд пыр лоас зумыдöн, тэнад юралан пуклöсыд сулалас нэм чöж». Тайö кывъяссö Давидлы висьталiс Нафан пророк. Сэки Давид кутiс кевмысьны: «Господьöй Енмöй! Кодi ме да менам рöдвужöй, мый Тэ лэптiн менö татшöм вылö. Тэ ыджыдыс, Господьöй Енмöй! Тэ кодь мöдыс абу, Тэ öти Ен!»
Öксыяслöн мöд небöг 6-7
168 
