Библейские рассказы
Выбрать язык
Выбрать рассказ Ветхого Завета
Выбрать рассказ Нового Завета
ЫДЖЫД МЫВКЫДА СОЛОМОН
Давидлöн кулöм бöрын сылöн Соломон пиыс лоис Израиль öксыöн. Öтчыд Ен петкöдчис Соломонлы вöтас да шуис: «Ме сета тэныд ставсö, мый тэ коран». Соломон корис Енлысь мывкыдлун, медым веськöдлыны аслас ыджыд войтырöн. Ен вочавидзис сылы: «Тэ эн кор аслыд кузь нэм, озырлун да паныд мунысьяслы кулöм, а корин мывкыдлун, медым веськыда юравны, та вöсна Ме вöча тэнад корöм серти. Ме сета тэныд ыджыд мывкыдлун да сюсь вежöр. Нöшта Ме сета тэныд сiйö, мый тэ эн кор: озырлун да пыдди пуктöм. Ме нюжöда тэнсьыд олан лунъястö, пондан кö Давид батьыд моз ветлыны Менам туйöд да овны Менам тшöктöмъяс серти».
Öтчыд Соломон дiнö локтiсны кык вензьысь ань, найö вайисны ичöт кагаöс. Кыкнанныс эскöдiсны, мый кагаыс сылöн. Медым тöдмавны, кодлöн збыльвылас кагаыс, Соломон тшöктiс шöрипöв керыштны кагасö да сетны аньяслы. Дерт, сiйö эз кöсйы вины кагасö, но шуис тадзи, медым тöдмавны, мый шуасны аньяс. Сэки öтиыс горöдiс: «Ыджыдöй, сет кагасö сылы! Эн ви сiйöс!» А мöдыс шуис: «Керыштöй кагасö! Мед оз ло ни сылы, ни меным».
Тадзи Соломон тöдмалiс, кодi збыльвылас кагалöн мамыс. Мамыд öд некор оз сет ассьыс кагасö вины, но вöчас ставсö, медым кагаыс колис ловйöн.
Öксыяслöн коймöд небöг 3:5-28
176 
