Ен шуис: «Вöчамöй*а мортöс Миян кодьöн да Миян ногаöн. Мед найö ыджыдалöны саридзса черияс да енэжвыв лэбачьяс вылын, гортса да вöрса пемöсъяс вылын, гагъяс да веглясьысьяс вылын да став му вылас». Ен вöчис мортöс Ас кодьнас, аймортöс да аньöс вöчис Сiйö.
Ен найöс бурсиис шуалöмöн: «Чужтысьöй, рöдмöй да овмöдöй мусö, босьтöй сiйöс аслыныд да тöждысьöй. Ыджыдалöй саридзса черияс вылын, енэжвыв лэбачьяс вылын да му вылас котралысьвеглясьысь пемöсъяс вылын». Ен шуис: «Ме сета тiянлы став кöйдыса-вотöса быдмöгсö да пусö, тайö лоö тiянлы сёян пыдди. А мувывса котралысь-веглясьысь пемöсъяслы да енэжвыв лэбачьяслы Ме сета сёян пыдди став веж турунсö». И лои тадз. Ен видзöдлiс став Аслас вöчöмторйыс вылö и аддзис, мый ставыс зэв бур. Коли рыт – тайö вöлi квайтöд лун. И воис асыв.
Тадзи вöлi вöчöма енэжсö, мусö да ставсö, мый на вылын. Квайтöд луннас Ен эштöдiс Ассьыс уджсö, а сизимöд луннас Сiйö шойччис.Медводдза мортлöн нимыс вöлi Адам, а гöтырыслöн – Ева. Ен вöчис найöс мичаöн да шудаöн. Найö ёна радейтiсны ассьыныс Вöчысьсö, и Ен радейтiс найöс. Асыввылö, Эдем муö, Ен пуктiс райöн шусяна сад да овмöдiс сэтчö Адамöс Евакöд. Ен тшöктiс налы дöзьöритны да видзны тайö садсö.
Олöм 1:26-31, 2:1-8
*а Ен шуис уна лыдын «Вöчамöй», сы вöсна мый Енмыс куим пертаса: Ен Бать, Ен Пи да Ен Вежа Лов.
18 