Библейские рассказы
Выбрать язык
Выбрать рассказ Ветхого Завета
Выбрать рассказ Нового Завета
СОЛОМОНЛÖН ШУСЬÖГЪЯС
Библияын öти небöг шусьö ”Соломонлöн шусьöгъяс”. Унджык шусьöгсö тайö небöгас гижис ыджыд мывкыда Соломон öксы. Шусьöгъяс – тайö дженьыд велöдöмъяс, кызвыннас том йöзлы. Сэнi гижöма мывкыдлун да тöдöмлун йылысь, веськыдлун да Енмысь полöм йылысь, сöстöм олöм да лёксьыс видзчысьöм йылысь, асьтö кутöм да челядьöс быдтöм йылысь. Шусьöгъяс велöдöны отсасьны гöльяслы, бурсьöлöмтчыны паныд мунысьяс дiнö да лача кутны Ен вылö. Лыддям кымынкö шусьöг:
Тöдöмлуныс чужö Господьысь полöмсянь. Вежöртöм йöз мустöмтöны мывкыдлунсö да велöдöмсö. (1:7)
Пиöй, тэнö кö кутасны кыскыны мыж вöчысьяс, эн сетчы лёкас. (1:10)
Став сьöлöмнад кут лачатö Господь вылö, а эн аслад мывкыд вылö. Быдторйын кут Сiйöс тöд вылад, Сiйö индас тэныд веськыд туйсö. (3:5-6)
Пиöй, эн öтдорт Господьлысь чирыштöмсö да эн дöзмы Сылöн öлöдöмысь. Кодöс Господь радейтö, сiйöс чирыштö, кыдзи бать ассьыс муса писö. (3:11-12)
Пиöй, ов батьыдлöн тшöктöмъяс серти да эн öтдорт мамыдлысь велöдöмсö. (6:20)
Мывкыдлуныс шуö: менö радейтысьясöс ме радейта, и менö корсьысьяс аддзасны менö. (8:17)
Кодi дзескöдö коньöрöс, сiйö омöльтö Енсö, сiйöс Вöчысьöс. Кодi бурö пуктö Енсö, сiйö отсалö гöльяслы. (14:31)
Веськыда олöм кыпöдö войтырсö, а мыж вöчöм янöдö. (14:34)
Мортыс сьöлöмас лöсьöдö ассьыс туйсö, а Господь веськöдлö сылöн воськовъясöн. (16:9)
Батьсö нöйтысь да мамсö вöтлысь – чорыд сьöлöма да яндысьтöм пи. (19:26)
Веськöд питö бур туй вылас челядьдырсяньыс, и сiйö оз кеж сэтысь весиг пöрысь каднас. (22:6)
Пиöй, бергöд сьöлöмтö мелань да ветлы менам туйöд. (23:26)
Тэныд паныд мунысь кö тшыгъялö, верд сiйöс, сылöн кö горшыс косьмö, юктав сiйöс. (25:21)
258 
