Выбрать язык
Выбрать рассказ Ветхого Завета
Выбрать рассказ Нового Завета
Ятыр курым эртен, да мландӱмбалне Адам ден Ева деч шочшо шуко калык шарлен. Эн тӱҥалтыште ятырышт Юмым пагаленыт, но варарак чыланат Юмын шонымыжо ваштареш ышташ тӱҥалыныт. Мландӱмбалне Юмын мутшым колыштшо Ной лӱман лач ик ӱшанле еҥ веле кодын. Тудо чыла шотыштат чын ыштыше да шылталаш лийдыме лийын.
Юмо еҥ-влакын пужлымыштым да нунын кӧргыштыштосал шонымаш шукеммым ужын. Шкаланышт чыланат йоҥылыш илыш-корным ойырен налыныт. Тунам Тудо каласен: «Мландӱмбалне илыше уло айдеме тукымым пытарем, шке ыштыме айдемемым пытарем. Нуным ыштымемлан Мый моткоч ӧкынем».
А Нойлан Юмо каласен: «Мый уло айдеме тукымым пытараш шонен пыштенам. Осал пашашт пӱтынь мландым темен, сандене Мый нуным мландӱмбачын ӱштыл шуэм. Шкаланет гофер пушеҥге дене ковчегым ыште. Тушто кыдежлам ыштыл да кӧргыж гычат, тӱжвачынжат варым шӱрӧ. Мый мландӱмбаке вӱд ташлымашым колтем. Мландӱмбалне чыла кола. Тыланет гын Мый сугыньым пуэм. Тыланет ватет да эргыч-шешкыч-влак дене пырля ковчегыш пураш кӱлеш».
Юмын тиде кӱштымыжым колмеке, Ной ковчегым чоҥаш тӱҥалын.
*а Ковчег – кугу пуш, корабль
12 