Выбрать язык
Выбрать рассказ Ветхого Завета
Выбрать рассказ Нового Завета
Кузе кӱтӱчӧ шке шорыкшо-влак верч тырша, тугак тӱням Утарыше Иисус Христосат Тудлан ӱшаныше да Тудын кӱштымыж почеш илыше айдеме верч тырша. Тудо тыге ойла:
«Чынак, чынак тыланда ойлем: Мый шорык-влаклан капка улам. Мый дечем ончыч толшо-влак чылан вор да агыше лийыныт. Но шорык-влак нуным колыштын огытыл. Мый капка улам: кӧ Мыйын гоч пура, тудо утаралтеш: пура, лектеш, олыкым муэш. Вор агаш, пушташ да пытараш веле толеш. Мый илышым, тичмаш илышым, кондаш толынам.
Мый поро кӱтӱчӧ улам, поро кӱтӱчӧ шорык-влак верч илышыжым пуа. А тарлалтше еҥ чын кӱтӱчӧ огыл, шорык-влак шкенжын огытыл, пире толмым ужмеке, шорык-влакым коден куржеш. Пире нуным руалта да шалатен колта. Тудо еҥ тарлыме веле, сандене шорык-влак верч ок тургыжлане. Мый поро кӱтӱчӧ улам. Кузе Ача Мыйым пала да Мый Тудым палем, тугак Мыят шкемыным палем да нуно Мыйым палат. Шорык-влак верч Мый илышемат пуэм. Мыйын вес шорык-влакемат улыт, нуно тиде кудывече гыч огытыл, Мый нунымат кӱтышаш улам. Нунат Мыйын йӱкем колыт, тыге ик кӱтӱ да ик Кӱтӱчӧ лиеш.
Илышем угыч налаш манын, Мый тудым пуэм, садлан Ача Мыйым йӧрата. Мый дечем илышым нигӧ ок нал, Мый тудым Шке пуэм. Тудым пуаш властем уло, тудым мӧҥгеш налашат властем уло. Ачам Мылам тыге ышташ кӱштен».
98 