Библейские рассказы
Выбрать язык
Выбрать рассказ Ветхого Завета
Выбрать рассказ Нового Завета
ИЗРАИЛЕНЬ СУДЬЯТ
Израилень ломаттнень Египетста Канаану самозост, тоса эрясь лама виде шкайфтома ломаньтнал. Минь сембонь синь лемнесаськ – канаатт. Канааттнень инь оцю шкайсна ульсть Ваал и сонь рьвац Астарта. Ваалонди сюконямста синь тиендельхть визьксфтома тефт. Ня шкайхненди озказнекс макссесть ракшат и нльне ломаттьке.
Израилень ломаттне озасть эряма Канаану. Синь алост модатне тарксевсть кельме ширде лямботи – тяниень Ливанть кучкаста сявомок Синай пялеусияти*а молемс, а шинь стямаста шинь мадомати – Иордан ляйть шинь стямань трвастонза сявомок Модакучкастонь оцюведти молемс. Моисей явозе модать 11 тарадга Израилень 12 тарадста – Яковонь 12 цёранзон коряс. Ня цёратнень лемсна: Рувин, Симеон, Левий, Иуда, Дан, Навтали, Гаад, Асир, Иссакар, Завулон, Иосиф и Вениамин. Иосифонь тарадоц меле тага явондсь кафту кафта цёранзон – Эфраимонь и Манассонь эзда. Левиень тарадонцты ашезь макса мода. Левиеннетнень Шкайсь кочказень шкайкудса покодема, эрясть синь лия тараттнень модаса тейст максф ошева.
Васенце 300-400 кизотнень Канаану самда меле, Израилень 12 тараттнень ашель марстонь тевонь вятемасна. Синь сотнекшнезень фкя Шкайс, менельть и модать Тииенцты, кемамась. Сембе сяка израилень ломаттне прасть эсь тиф шкаенди сюконямас, тюрсть эсь ётковаст и перьфкаст эряй лия юропнень мархта.
Кальдяв тевонкса, эсь тиф шкаенди сюконяманкса Азорсь няфнезе кяженц Израильти, макссезе Израильть душманонзонды урешис. Мзярда израилень ломаньтналти сталмотне арсесть аф кирдевомшкат, Азорсь кочксесь ёткстост "судьят" душматтнень эзда араламанксост. Кулсесь судьясь и ломаттне тага ушеткшнесть эсь тиф шкаенди сюконякшнема и тиендсть нльне алядост кальдявста, тага сафнезь Азорть кяжензон. Израильса ульсь сембоц кемготува судья. Тя книгаса азонттама эздост аньцек кой-конатнень колга.
СУДЬЯНЬ КНИГАСЬ
*а Пялеусия – полуостров, усия – остров.
136 
