Библейские рассказы
Выбрать язык
Выбрать рассказ Ветхого Завета
Выбрать рассказ Нового Завета
ЗРНЯНЬ ШОПАЧА И КОЛМА ОТЬКОРЬ АЛЯТ
Навуходоносор вавилононь оцязорсь мярьгсь валомда зрняста оцю шопача*а и стяфтомс сонь Деиронь арсямодав. Сяльде оцязорсь пачфтезе: "Азондови тейнть ломаньтналхт: ся ёткть, кодак марясасть турамать, комседа и сюконяда зрнянь шопачати. Кие аф комай и аф сюконяй, ся эстокиге ули ёрдаф толса серептьф пянакудс".
Кати-кие пачфтезе оцязорти: "Оцязор, Иудань алятне Седрах, Мисах и Авденаго аф кулхцондсазь кошардомацень, тонь шкайхненди аф покодихть, зрнянь шопачатинге аф сюконяйхть". Эста Навуходоносор кяжиясь и вятьфтезень Седрахонь, Мисахонь и Авденагонь, мярьгсь тейст: «Аф сюконяндярятада шопачати, эстокиге ёрдафттядязь толса серептьф пянакудс. И кодамонга шкаенди аф идефтяда кядезень эзда!» Синь пшкядсть оцязорть каршес: «Шкаеньконь, кинди покоттяма, саты виец идемс минь толса серептьф пянакудта, и кядцень эздонга, оцязор. Афи идендярясамазь, эстонга, оцязор, содак, сяка тонь шкайхненди покодема аф карматама, зрнянь шопачатинге аф сюконятама». Тянь кулемста оцязорсь крьвязсь кяжса, мярьгсь сотнемс аф кулхцонды еврейхнень и ёрдамс толу пянакудс. Пянакудсь сяшкава уштфоль, нльне ся ломаттнень, конат ёрдазь цёратнень пянакуду, плхтазень толгяльсь. А цёратне сотнефста прасть пянакуду.
Толти ваномста Навуходоносор абонгодсь, стясь вастстонза и мярьгсь ширязонзонды: "Мон вдь колма ёрдафтонь толти? А няян ниле апак сотнек алят, якайхть толть пачк, и аш тейст мезеньге кальдяв. А нилецесь кода шкай". Оцязорсь маладсь пянакуд кургть малас, серьгядсь: "Седрах, Мисах, Авденаго, Вярде Шкаень урет! Лиседа и сада малазон!" Сят лиссть толгяльхнень потмоста. Толть ашель виец токамс синь ронгснон: прясост шяярьхне ашесть шяе, щамсна ашезь кувонза, нльне палфонь шиневок эздост ашезь яфоде.
Эста Навуходоносор мярьгсь: "Бславаф Седрахонь, Мисахонь, Авденагонь Шкайсна." И оцязорсь кеподезень синь Вавилононь масторса сембонь сельминголе.
ДАНИИЛ 3-це пакшсь
*а Шопача – эсь тиф шкай; истукан, идол.
232 
