Библейские рассказы
Выбрать язык
Выбрать рассказ Ветхого Завета
Выбрать рассказ Нового Завета
ИСУС АНДЫ ВЕТЕ ТЁЖЯТТЬ ЛОМАНЬ ВЕТЕ КШИСА
Весть Исус тонафниензон мархта тусь Галилеянь оцюведть омба пяли, Тибериадань аймаку. «Мельганза мольсь лама ломань, сяс мес няендезь ацерманзон, конатнень сон тиендезень сярядихнень пчкафтомста.
Исус куцсь панда пряс и тоса озада ащесь тонафниензон мархта. Малаткшнесь иудейхнень очижисна. Исус варжакстсь перьфпяльге и няезе – лама ломань сай тейнза. Сон корхтай Филиппонди: "Коста тейнек рамама кши синь андомс?" Корхтазе тянь тяряфнеманкса, вдь сонць содазе, мезе ёрай тиемс.
Филипп пшкядсь каршезонза: "Тняра ломанть андомс – кафта сятт динариянь*а питнеса рамаф кшись аф саты. Пакшкяньге эрьти аф саты". Тонафнихнень эзда фкясь, Андрей, Симон-Пятать седибяльксоц, корхтай Исусонди: "Тяса фкя цёранять улихть шужень вете кшинза и кафта калнянза, аньцек тя мезе тняра ломанти?" Исус мярьгсь: "Озсефтесть". Ся вастсь ацафоль туста тишеса. Озсесть ветешка тёжянь ломань.
Исус сявозень кшитнень и, Шкайти сюкпрянь азозь, явозе тонафниензонды, тонафниенза – озадотненди, тяфта явозь калхненьге. Сявсть, кинь мзяра мялецоль. Мзярда сембе топодсть, сон мярьгсь тонафниензонды: "Кочкасть лядыкс сускопнень, мезевок тяза юма". Сят кочказь, пяшкодсть кемгафтува куйме сускомса, конат лядсть ярхцамда меле шужень вете кшитнень эзда.
Исусонь тяфтама ацерманзон няемста ломаттне мярьгсть: "Сон афкукс ся шкаймаряйсь, конанди сама масторлангу».
ИОАНН 6:3-14
*а Динария – римонь ярмак, ся пингть Израильса фкя шинь покодеманкса питне.
352 
