Библейские рассказы
Выбрать язык
Выбрать рассказ Ветхого Завета
Выбрать рассказ Нового Завета
ЁНЬФТОМА КОЗЯЛЯТЬ КОЛГА ВАЛВЕЛЯФКС
Исус ломаттнень тонафтомста корхтась: «Ванода, ванфтость прянтень козяшити прафтомада, сяс мес ломанть эряфоц аф ащи уликсонц эзда». Тяда меле сон азондсь тейст валвеляфкс: «Фкя козялять паксясонза кассь лама сёра, и сон арьсесь эсь пачканза: "Мезе тиемс? Аш коза урядамс сёрозень". Мярьгсь: "Тиян ва мезе: синнесайне утомнень и путан вастозост сяда оцюфт, кочкаса эзост марнек сёрозень, сембе козяшизень, и мярьган ваймозти: Вайме! паршице-уликсце саты лама кизонди: ваймосек, ярхцак, сипть, кеняртькшнек!" Аньцек Шкайсь мярьгсь тейнза: "Ёньфтома! Тяка веня тонь ваймоцень сявсазь, кинди ина ляды сембе кочкафце?" Тяфта уленди сянь мархта, кие кочкай козяши эстейнза, а аф Шкайса козякоды».
Исус сяда тов корхтай: «Тяда вешенде, мезьда ярхцамс, мезьда симомс, тяда лажна тянкса, вдь сембонь тянь вешендьсазь тя масторлангонь виде шкайфтомотне. Алянте содасы, тя тейнть эряви; сембода пяк вешеда Шкаень Оцязорксши, и сембось тя максови тейнть. Тят пеле, ёмла стада! Тяфтама Алянтень мяльвиец – улемс тейнть оцязоркс. Мишендесть козяшинтень и максседа ашуфненди. Аноклада эстейнть аф наксады путома вастт. Кочкада менели эстейнть козяши, кона аф юмафтсы питненц. Тоза салайсь аф пачкоди и кись тоса аф керы. Вдь коса козяшице, тоса ули седицевок».
ЛУКА 12:15-21, 29-34
366 
