Библейские рассказы
Выбрать язык
Выбрать рассказ Ветхого Завета
Выбрать рассказ Нового Завета
ЮМАФ-АРАФ ЦЁРАТЬ КОЛГА ВАЛВЕЛЯФКС
Нинге тяфтама валвеляфкс Исус азондсь ломаттненди: «Фкя ломанть ульсть кафта цёранза. Весть ёмлась мярьгсь алянцты: "Аляй! Явфтомак, макск тейне уликсонь пяльксозень". Аляц явозе цёранзон ёткова уликсонц.
Мзяра шида меле ёмла цёрась мизе эсь пяльксонц, сявозень ярмаконзон и тусь ичкоздень масторс. Тоса, кода-повсь эрязь, ётафтозе уликсонц. Мзярда сонь мезецка ашезь ляда, ся мастору сась оцю вачаши, цёрась кармась няема нужат. Эста сон мольсь и сивотьфтсь пря покодема ся масторонь фкя эряйти, тона кучезе паксяв тувонь ванома. Цёрась кенярдезь топафтолезе пеконц тувонь порембяльдовок, аньцек кивок тяньге ашезе макса тейнза.
Весть сргозсь пряёнец, арьсезевсь: "Мзяра сивотьф ломаньда алязень пяле крга видева ярхцайхть кшида, мон тяса кулсян вачеда! Вов молян алязти и мярьган тейнза: 'Аляй! Мон пежетьс сувафтыне ваймозень менельть и тонь инголет, аш кода ни монь лемдемска тейть цёракс; сявомак сивотьф ломаттнень ёткс".
Стясь и тусь алянцты».
ЛУКА 15:11-19
полатксоц моли
372 
